भांगरभूंय | प्रतिनिधी
चीनी रेस्टॉरंटांतलो व्हिडियो सध्या सोशल मिडियाचेर व्हायरल जाला. हातूंत बायल वेटरान गिरायकांक जेवण दिवपाचे शैलीन लोकांक अजापीत केलां. व्हिडिओंत बायल वेटराक ‘ह्युमनॉइड रोबोट’ रुपांत दाखयलां. वेटराचे अभिव्यक्ती प्रमाण, ती खरीच बायल अशें तुमकां दिसचें ना. कारण, तिच्या चलपा पसून ती जे तरेन उलयता तें पळयल्यार ती रोबो सारकीच दिसता.
हो व्हिडियो चिनाच्या ‘चोंगकिंग हॉटपॉट रेस्टॉरंट’चो अशें म्हणटात. ही बायल रेस्टॉरंटाची धनी अशी तिची वळख जाल्या आनी ती एक नर्तकीय जावन आसा. ही बायल रोबोटा सारक्या आवाजांत उलयता. तिचो आवाज आयकल्या उपरांत तुमकां दिसतलें की आवाज आर्टिफिशियल इंटेलिजन्स (Aख) च्या आदारान तयार जाला.
बालकृष्णन नांवाच्या युजरान हो व्हिडियो इंस्टाग्रामाचेर शेअर केला. जेवणाचो फुडार होच अशें तांणी कॅप्शनांत बरयलां. हे बायलेन रोबोट हालचालींचेर शेक मेळयलाच, पूण एआय सारको आवाज येवपाक आवाजाचेंय प्रशिक्षण घेतलां.
फकत कांय सेकंदांची ही व्हिडियो क्लिप सोशल मिडियाचेर नेटान व्हायरल जावपाक लागल्या. वेटर हो रोबोट न्हय तर एक बायल हें जाणून जाणून घेवपाक लोकांक गोंदळ जाता. एकल्या युजरान टिप्पणी केली की तुमी फारीक करिनासतना पळून गेले जाल्यार ती तुमकां निरिक्षका भशेन धरतली आनी मागीर तुमकां मारतली. त्याच वेळार दुसर्या युजरान अजाप उक्तायलें आनी विचारलें, हो मनीस काय रोबोट? दुसरो वापरपी म्हणटा, मनशां बदला रोबोट काम करतात अशा रेस्टॉरंटांनी म्हाका वचपाक आवडचें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
