भांगरभूंय | प्रतिनिधी
पणजी : कुडाशें- दोडामार्ग कानालाचे दुरुस्तीचें काम पुराय जाल्ल्यान कानालांतल्यान उदक सोडलां. तिळारीच्या उदकाची पर्वरी सयत बार्देसांत उदकाची पुरवण जातली. तिळारीचें उदक सोडिल्ल्याची म्हायती उदकास्रोत अभियंत्यांनी दिली.
कुडाशेंचो कानाल २४ जानेवारीक फुटिल्लो. उदक बंद जाल्ल्यान पर्वरी वाठार सुको पडिल्लो. मजगतीच्या काळांत आमठाणें धरणांतल्यान उदक सोडिल्लें. तरी पर्वरी वाठाराक टँकरान उदकाची पुरवण करपाचो वेळ बांदकाम खात्याचेर आयिल्लो. खर यत्नां उपरांत कुडाशें- दोडामार्गच्या कानालाचें काम पुराय जालां.
आमठाणें उदका पुरवण प्रकल्पा पसून पर्वरी वाठार सगळ्यांत निमाणो आशिल्ल्यान जानेवारी उपरांत हांगा उदकाची समस्या जाणवता. तिळारीचें उदक आमठाणें प्रकल्पाक मेळ्ळे उपरांत बार्देस म्हालांत उदकाची पुरवण करपाक शक्य जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
