भांगरभूंय | प्रतिनिधी
१४ वर्सां उपरांंत मुक्त जाल्लें गोंंय उदरगतींत सगल्यांत फुडें
पणजी : भारत देश विविधतायेन नटला. भाशा, संस्कृताय वेगळी आसली तरी भारतीयांचो एकवट आजूनय अखंड आसा. अखंड भारता खातीर सरदार वल्लभभाई पटेल हांंचें योगदान मोलादीक आसा, अशें मुख्यमंत्री डॉ. प्रमोद सावंत हांणी म्हणलां. ते सरदार वल्लभभाई पटेल हांच्या १५० व्या जयंती निमतान आयोजीत एकता दौडचे कार्यावळींत मुखेल सोयरे म्हूण ते उलयताले. विकसीत भारत २०४७ घडोवपा खातीर दर एकल्याचें योगदान गरजेचें. भारताक स्वातंत्र्य मेळ्ळे उपरांत १४ वर्सांनी गोंय मुक्त जालें. मात आयज गोंय सगल्या बाबतींत उदरगतींत मुखार आसा अशेंय तांंणी म्हणलें. ह्या वेळार मुखेल सचीव वी. कान्डावेलू, राज्यसभेचे खासदार सदानंद शेट तानावडे, नेहरु युवा केंद्राचे जिल्लो निमंत्रक कालिदास घाटवळ, खेळां खात्याचे सचीव संतोश सुखदेव, खेळा संचालक अजय गावडे तशेंच हेर मानेस्त हाजीर आशिल्ले.
गोंय युवा आनी खेळां प्राधिकारणा वतीन आयज सरदार वल्लभभाई पटेल हांच्या १५०वे जयंती निमतान एकता दौड कार्यावळीचें आयोजन पणजे केल्लें. हातूंत १०- १४ वर्सां पिराय, १४ -१८ वर्सां पिराय, १८ वर्सां वयर पिराय तशेंच दिव्यांग व्यक्तीं खातीर एकता दौड कार्यावळ घडोवन हाडिल्ली. खेळां प्राधिकरणा वतीन गोंयच्या वेगेवगळ्या वाठारांनी एकता दौड कार्यावळीचें आयोजन जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
