भांगरभूंय | प्रतिनिधी
दुयेंस जावचे न्हय म्हूण लोक पोशक अन्न खातात. आंबो, संत्रां, केळीं आनी हेर फळांनी जीवनसत्व ए, जीवनसत्व सी आनी हेर खनिजां आसतात. दुसरे वटेन सुकीं फळां भलायके खातीर फायदेशीर आसतात. बदाम, काजू, अक्रोड, खजूर, मनुका हीं अशीं सुकीं फळां. थायरॉयड सारकिल्या समस्यांचेर उपचार करपाकय ती उपेगी थारूंक शकता. आयज पळोवया सुक्या फळांचे वखदी गुणधर्म.
1) अक्रोडांत जायते वखदी गुणधर्म आसतात. कोलेस्टेरॉल उणें करप, मेंदवाची शक्त वाडोवप, रोगप्रतिकार शक्त घट करप, कॅन्सर, गोडेंमूत आदी दुयेंसांचो धोको उणो जाता.
2) अक्रोडाक लागून वायट कोलेस्टेरॉल उणें जाता, अशें जायत्या संशोधनांतल्यान दिसून आयलां. हाका लागून काळजाच्या दुयेंसांचो धोको खूब उणो जाता.
3) अक्रोड फकत काळजाकच न्हय तर टायप 2 गोडेंमूत दुयेंती खातीरय फायदेशीर थारता. गोडेंमूत नाशिल्ल्या लोकांनी अक्रोड खाल्यार गोडेंमूत जावपाचो धोको उणो
जाता.
4) उच्च रक्तदाब उणो करपाक अक्रोड उपेगी आसता. संशोधकांच्या मतान, अक्रोड खाल्यार उच्च रक्तदाब नियंत्रणांत उरता. एका अभ्यासा प्रमाण दिसाक 28 ग्राम अक्रोड खाल्यार रगतदाब नियंत्रणांत उरपाक मजत जाता. तशेंच काळजाच्या दुयेंसांचोय धोको खूब उणो जाता.
5) कुडीच्या खंयच्याय भागांतली सुज उणी करपाचें काम करता. संशोधकांच्या मतान अक्रोडांतले पॉलीफेनॉल ऑक्सिडेटिव्ह ताण आनी दाह हांचे पसून राखण करपाक मजत करतात.
6) अक्रोड खाल्यार स्थूलताय उणी करपाक मजत जाता. तशेंच स्थूलताय उणी जाल्यार काळजाचे दुयेंस, उच्च रगतदाब, गोडेंमूत अशा दुयेंसां पासूनय राखण मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
