अकोल्यांत ३०० नायट्रेट, थंय टक्कल ना, शेगावांत ५५ पीपीएम प्रमाण: हाका लागून फंगल इन्फेक्शनाची शक्यताय

भांगरभूंय | प्रतिनिधी

शेगांव, खबरां संस्था: महाराष्ट्रांतल्या शेगांव म्हालाच्या ११ गांवांतल्या उदक नमुनो अहवाला प्रमाण थंयच्या उदकांत ४७ ते ५५ पीपीएम मेरेन नायट्रेटचें प्रमाण आसा. ताका लागून थंय खड्डे जाल्ले लोक चड आसात. हाचे बदला अकोला जिल्ह्यांतल्या खारपाणपट्ट्यांत १००, २०० तशेंच ३०० पीपीएम मेरेन नायट्रेटचें प्रमाण मेळ्ळें. मात, ह्या वाठारांत आजून एकूय केसगळटी बादीत मेळूंक ना. मागीर शेगांव म्हालांतूच अशें कित्याक जाता हो प्रस्न आसा. हाचेर अकोलाच्या उदक तपासणी प्रयोगशाळेचे मुखेल अनुजीव शास्त्रज्ञ गौरव सकभोर हांच्या मतान अकोल्यांतल्या खारपाणपट्ट्यांत ३०० पीपीएम मेरेन उदकांत नायट्रेटचें प्रमाण आसता. उदकांतले टीडीएसचें प्रमाणूय २००० मेरेन आसा. मात कोणाचेच केस गळून तांकां टक्कल पडूंक ना.

टीडीएस प्रमाण १००-१५० मेरेन पिवपाक बरें
उदकांत २००० टीडीएसची मर्यादा निश्‍चीत जरी आसली तरी टीडीएसचें प्रमाण १००-१५० मेरेन पिवपाक बरें. ५०० टीडीएस मेरेनूय चलता. समजा एखाद्या गांवांत पिवपाच्या उदकाचो दुसरो स्रोतूच नासल्यार २००० हजार पीपीएम मेरेनूय पिवपाक चलता. ताचे वायट परिणाम जातात. मात, पर्यायूच नासल्यार २००० मर्यादा आसा. मात, दोन हजारांच्या वयर टीडीएस आसल्यार थंयच्या उदकाचो स्रोतूच बंद करचो पडटा. जंय २००० मेरेन टीडीएस आसा त्या उदकांत गोड उदक मेळोवन पिवं येता.

उदकांत नायट्रेटाचें प्रमाण कितलें आसूंक जाय?
उदकांतली मर्यादा दर लिटराक ४५ पीपीएम मिलीग्राम आसता. ताचेर मर्यादा आसल्यार ती पिवपाक योग्य नासता. अकोला जिल्ह्यांतल्या खार्‍या उदकाच्या पट्ट्यांत नायट्रेटाचें प्रमाण २५० ते ३०० मेरेन आसता. शेतवडी खातीर त्या उदकाचो उपेग करतात. कांय वाठारांनी नायट्रेट व्हड प्रमाणांत मेळटात. ताचे तुळेंत पिडेस्त गांवांतल्या उदकांत नायट्रेट मेळपाचें प्रमाण कांयच ना. ताका लागून तें केंस गळटेक कारण थारपाक शकना.

खंयचो घटक प्रभावी थारूंक शकता?

उदकांत नायट्रेट परस चड सल्फेट आसल्यार केंस वचूंक शकतात. आमचे कडेन सल्फेट चांचणी ना. सल्फेटाची मर्यादा २०० पीपीएम आसता. खंयच्याय वाठारांत उदकाचो दुसरो स्त्रोत ना जाल्यार तो ४०० पीपीएम मेरेन चलूंक शकता. ताचे वयर गेल्यार उदक वापरपाक मेळना. पूण सल्फेटाक लागून केंस वचूंक शकतात.