भांगरभूंय | प्रतिनिधी
शालान्त मंडळाचे उच्च माध्यमीक विद्यालयांक निर्देश
पणजी : फाटल्या वर्सा म्हणल्यार शिक्षणीक वर्स २०२४ – २५त ज्या विद्यार्थ्यांनी अकरावेंत प्रवेश घेतिल्लो, तांची म्हायती १५ जून मेरेन धाडपाचे निर्देश शालान्त मंडळान उच्च माध्यमीक विद्यालयांक दिल्यात. शालान्त मंडळांच्या पोर्टलार ही म्हायती धाडपाचे निर्देश दिल्यात.
शालान्त मंडळान हे खातीर पोर्टलाचेर खास वेवस्था केल्या. www.gbshse.in हेे वेबसायटीचेर म्हायती धाडपाची वेवस्था केली. विद्यार्थ्याचें नांव, बापायचें नांव, आवयचें नांव आनी जल्म तारीख ही म्हायती सादर करची पडटली. १५ जून २०२५ दिसा उपरांत म्हायती धाडपा खातीरची वेवस्था बंद जातली.
२०२४ – २५ वर्सा जांणी इकरावेंत प्रवेश घेतला, ते विद्यार्थी आतां बारावेंत शालान्त मंडळाची परिक्षा दितले. परीक्षे पयलीं तयारी करपा खातीर आनी विद्यार्थ्यांची म्हायती संकलीत करपा खातीर विद्यालयां कडल्यान पयलींच म्हायती मागयिल्ल्याचें शालान्त मंडळाचे अध्यक्ष भगिरथ शेट्ये हांणी सांगलां
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
