भांगरभूंय | प्रतिनिधी
अंबाला, खबरां संस्था : हरियाणांतल्या अंबाला कँटांतल्यान बेपत्ता आशिल्ल्या लष्करांतल्या लान्स नायक पवन शंकर हांची कूड कँट रेल्वे स्टेशन आनी मोहदा मजगतीं रेल्वे ट्रॅका लागसारा मेळ्ळी. तांच्या मोबायला वयल्यान तांचे बायलेक व्हॉट्सऍपार एक मॅसेज आयली. तातूंत ‘तुमच्या घोवाक देवा कडेन धाडला. पाकिस्तान जिंदाबाद, भारतीय सैन्यान तांकां जाय तें करचें, आपल्या सैनिकांक वाटायात’ अशें बरयल्लें. हे मॅसेजी उपरांत पुलीसूच न्हय तर भारतीय लष्करूय शिटूक जालें.
रेल्वे ट्रॅका लागसार ही कूड सांपडली
६ सप्टेंबराक सांजेवेळार ७.५० वरांचेर पवन शंकर बेपत्ता जाल्ले. युनिटाच्या सुबेदारान दाखल केल्ले कागाळीचेर पडाव पुलीस स्टेशनांत तो बेपत्ता जाल्ल्याची नोंद जाल्ली. बिरेस्तारा रातच्या ११.३९ वरांचेर पवन शंकराच्या बायलेच्या नंबराचेर एक मेसेज आयलो. हाचे उपरांत पवनाच्या व्हॉट्सऍपाचेर लास्ट सीन रातच्या ११.४२ वरांचेर दिसलें. दुसरे दीस पवन शंकराची कूड रेल्वेमार्गा लागसारा मेळ्ळी. ताचे कुडीचेर घावे जाल्ल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
