भांगरभूंय | प्रतिनिधी
खबरां संस्था
नवी दिल्लीः भारतांत ऑक्टोबर- नोव्हेंबर म्हयन्यांत जावपी 2023च्या संवसारीक करंड वन-डे क्रिकेट सर्तीचें वेळापत्रका मंगळार 27 जूनाक जाहीर जावपाची शक्यताय आसा. आंतरराष्ट्रीय क्रिकेट परिशदेन (आयसीसी) ह्या दिसा मुंबयन एक इव्हेंट दवोरला, मेळिल्ले खबरे प्रमाण त्या वेळार हें वेळापत्रक जाहीर जावपाक शकता.
5 ऑक्टोबरच्यान वन-डे क्रिकेट सर्तीक सुरवात जातली. त्या दिसा उपरांत हे सर्तीक फकत 100 दीस बाकी आसतले. ताका लागून वेळापत्रक ह्या दिसा जाहीर करतले अशें दिसता. भारतीय क्रिकेट नियामक मंडळान (बीसीसीआय) आयसीसीक वन-डे संवसारीक क्रिकेट सर्तीच्या वेळापत्रकाचें ड्राफ्ट धाडून बरेच दीस जाल्यात.
पाकिस्तान क्रिकेट बोर्डान (पीसीबी) वन-डे क्रिकेट सर्तीची दोन मैदानां बलपाची मागणी केल्ल्यान हें वेळापत्रक जाहीर जावपाक कळाव जाला. मात आयसीसीन तांची ही मागणी भायरायल्या अशी खबर आसा. मैदानां कित्याक बदलची हे विशींची कारणा पाकिस्तानी बोर्डान दिवंक ना आनी ताका लागून तांची मागणी मान्य करप शक्य ना अशें आयसीसीन तांकां कळयलां अशी खबर आसा.
20 ऑक्टोबराक बंगळुरूंत पाकिस्तान- ऑस्ट्रेलिया आनी 23 ऑक्टोबराक चेन्नयत अफगाणिस्तान- पाकिस्तान अश्या मॅची जावपाच्यो आसात. पाकिस्तान बंगळुरूत अफगाणिस्तान आनी चेन्नयत ऑस्ट्रेलिये आड खेळपाक सोदता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
