भांगरभूंय | प्रतिनिधी
गोदरेज लॉक्स आनी आर्किटेक्चरल फिटिंग्स कंपनीन ह्या वित्तीय वर्सांत 1,100 कोटी रुपयांची उलाढाल करपाची मोख दवरल्या. आमी जें यश मेळयलें ताचे कारण व्हडल्या मेट्रोंनी व्हड प्रमाणांत डिजिटल ट्रेंड दिसून येता आनी हांगा रेसिडेन्सी रियल इस्टेटांत खूब उदरगत जाल्या. देशांतल्या आर्किटेक्ट आनी इंटीरियर डिझायन मळाचेर येवपी प्रतिभेक वळखूपाक गोदरेज लॉक्स हांणी सुरू केल्ल्या ‘द गीव्हीज’ ह्या पुरस्काराच्या दुसरे आवृत्तीचे फाटभुंयेर गोदरेज लॉक्स आनी आर्किटेक्चरल फिटिंग्स अँड सिस्टम्सचे बिझनेस हेड श्याम मोटवानी पत्रकारा कडेन उलयताले.
31 मार्च 2023 मेरेन कंपनीची उलाढाल सुमार 1100 कोटी रुपयांची आसतली, जी फाटल्या वित्तीय वर्सा परस 24 टक्के चड म्हणल्यार 270 कोटी रुपया चड आसतली, अशें मोटवानी हांणी सांगलें. रेसिडेन्सी रियल इस्टेट क्षेत्रांत उदरगत जाल्ल्यान गिरायकांची मागणी कंपनीची वाड करपाक लागल्या, फकत रियल खरेदीदार (रियल इस्टेटा खातीर) आसात जे बाजारांत भितर सरतात. तुमचे कडेन फ्लॅट आसात, जे 25 लाख रुपया ते 3 कोटी रुपया मेरेन विकतात. वाडत वचपी रियल इस्टेट लॉक आनी वास्तुशिल्प फिटिंगांक चालना दिता. आमच्या नव्या उत्पादनांनी आमकां यश मेळ्ळें. आमी घडये अंदूं नव्या उत्पादनांतल्यान आमच्या लक्ष्य दवरिल्ले उलाढालींत सुमार 150 ते 160 टक्के वाड करपाचो यत्न करतले. वित्तीय वर्स 2024 खातीर कंपनीची उलाढाल 1300 कोटी रुपया आनी वित्तीय वर्स 2025 त 1500 कोटी रुपया उलाढाल करतली अशें पणजे जाल्ले पत्रकार परिशदेंत मोटवानी हांणी सांगलें.
– विष्णू नार्वेंकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
