भांगरभूंय | प्रतिनिधी
नवी दिल्ली, खबरां संस्था ः आंतरराष्ट्रीय नाणे निधीच्या (IMF) वर्ल्ड इकॉनॉमिक आऊटलूकाच्या अहवाला प्रमाण, भारत जपानाक फाटीं घालून 2025 वर्सा संवसारांतली चवथी व्हड अर्थवेवस्था जातली. आंकडेवारी प्रमाण, सध्या भारत 4.3 ट्रिसियन डॉसर्साच्या जीडिपी सयत संवसारात पांचव्या क्रमांकाचेर आसा. तेच वेळार जापानचो जीडिपी सध्या 4.4 ट्रिलियन आसा.
2024 मेरेन भारत संवसारांतली पांचवी व्हड अर्थवेवस्था आशिल्ली, पूण आयएमएफच्या ताज्या अदमासा प्रमाण अंदूं भारत संवसारांतली चवथी व्हड अर्थवेवस्था जावपाची शक्यताय आसा. तशेंच येवपी वर्सांनी जर्मनीक फाटीं घालून संवसारांतली तिसरी व्हड अर्थवेवस्था जावपाचीय शक्यताय आसा. 2028 मेरेन भारताची जीडीपी 5,584.476 अब्ज डॉलर जातली असो अदमास आसा, जी जर्मनीच्या 5,251.928 अब्ज डॉलराच्या जीडीपी परस चड आसा. भारत 2027 वर्सा 5 ट्रिलियन डॉलराची अर्थवेवस्था जातली आनी जीडीपी 5,069.47 अब्ज डॉलर आसतली.
मजगतीं, अमेरिका आनी चीन हे दोन देश 2025 वर्सा संवसारांतले व्हड अर्थवेवस्था आशिल्ले देश कायम उरतले. आयएमएफच्या अदमासा प्रमाण फुडल्या वर्सांनी लेगीत हे दोनूय देश हेच स्थितींत उरतले. पूण अशें आसलें तरी रिणाचे नदरेन भारताची स्थिती दोनूय देशां परस चड बरी आसा. मार्च 2025 मेरेन अमेरिकेचें रीण 36.22 ट्रिलियन डॉलर आसा. चीनाचें रीण 2.52 ट्रिलियन डॉलर आसा. जाल्यार भारताचेर 712 अब्ज डॉलर रिण आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
