भांगरभूंय | प्रतिनिधी
मुंबय,खबरां संस्था ः आयपीएल ऑक्शन परत एक फावट परदेशांत जातली. 2026च्या हंगामा खातीर मिनी-पावणी 15 ते 18 डिसेंबर ह्या काळांत दुबय, मस्कत वा दोहा मदल्या एका सुवातेर जातली अशें बीसीसीआयच्या एका वरिश्ठ अधिकाऱ्यान सांगलें.
भारतांत नोंव्हेबर ते डिसेंबर सावन लग्नांचो हंगाम सुरु जाता. हे खातीर दरेक व्हड हॉटेल, रिसॉर्ट वा कन्व्हेंशन सेंटर लग्नांक बुक केल्लीं आसता. ताका लागून 10 पंगडांतले प्रतिनिधी, प्रशिक्षक, वेवस्थापक आनी प्रसारण पंगडांक रावप कठीण जाता. ते खातीर मंडळान हे खेपेय परदेशांत ऑक्शन करपाचो निर्णय घेतला.
दुबय, मस्कत आनी दोहा हीं नांवां हे खेपे ऑक्शना खातीर चड चर्चेंत आसात. दुबय सगळ्यांत बळिश्ट दावेदार मानतात, कारण तातूंत बीसीसीआय आनी आयपीएल फ्रँचायझीं खातीर उत्कृश्ट मुळावी बांदावळ मेळटा. तशेंच फाटल्या कांय वर्सांत थंय जायत्यो येसस्वी कार्यावळीय घडोवन हाडल्यात. मस्कत (ओमान) हो एक पर्याय म्हणूनय विचार करतात, कारण थंय बीसीसीआयचे बरे संबंद आसात आनी तातूंत ल्हान पूण आधुनीक क्रिकेट संकुल आसा. दोहा (कतार) हें पयलेच खेपे चर्चेत आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
