भांगरभूंय | प्रतिनिधी
भारतान 1963 वर्सा पयलेच खेपे अग्निबाण प्रक्षेपित केलो तेन्ना संवसारात हो सगळ्यांत अत्याधुनीक तंत्रगिन्यानाचो गरीब देश आशिल्लो. रॉकेट सायकलीचेर घालून प्रक्षेपण सुवातेर व्हरून भारतान ह्या मळाचेर अमेरिका आनी रशिये वांगडा खर सर्त सुरू केल्ली. सध्या अंतरीक्ष सर्तींत भारतान खूब बळिश्ट सुवात मेळयल्या. सद्या भारतांत अंतरिक्ष तंत्रगिन्यानांत उण्यांत उणे 140 नोंदणीकृत स्टार्टअप आसात.
कोरोना काळ सुरू जावचे पयलीं हे फकत पांच आशिल्लें. तातूंतलो एक संशोधन मळारय आसा. भांडवल गुंतवणूकदारांक भारतांत अंतरीक्ष तंत्रज्ञान संबंदीत क्षेत्र हें एक चड मागणी आशिल्लें मळ. 2022 वर्सा अंतराळ स्टार्टअपांनी नव्या गुंतवणुकींनी सुमार 980 कोटी रुपया गुंतवणूक केल्या. हे दर वर्सा दुप्पट वा तिप्पट वाडत आसा. श्रीहरिकोटाचे दर्यादेगे वयली प्रक्षेपण सुवात भूमध्य रेखे लागीं आशिल्ल्यान वेगवेगळीं यंत्रां कक्षांत धाडपा खातीर उपेगी पडटा. 95% येसस्वी प्रमाण आशिल्लो वर्कहॉर्स रॉकेट हो जड वजनाक लागून संवसारांतले एक विश्वासार्ह रॉकेट. ताका लागून उपग्रह प्रक्षेपणाचो खर्च अर्दो जाला.
अंतरिक्ष वेवसायांत एलान मस्कान भारत आनी संवसारात नामना जोडल्ल्या. ताच्या स्पेसएक्स कंपनीन अवकाशांत हेवी लोड धाडपाचो खर्च उणो केला. पांच लाख रुपया प्रति किलोच्या आदाराचेर स्पेसएक्स प्रक्षेपण सगळ्यांत सवाय आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
