भांगरभूंय | प्रतिनिधी
–केरी, मोर्ले, कारापूर – सर्वणांतल्या लोकांंक सादुरतायेची शिटकावणी
पणजी: अंंजुणें धरण भरपाक लागी पाविल्ल्यान आलायतें उदक कश्टी आनी व्हाळवाट न्हंंय सावन सोडपाची पूर्व सुचोवणी उदका पुरवण खात्यान दिल्या. उदक सोडले उपरांंत व्हाळवाट न्हंंयेतल्या उदकाची पातळी वाडटली. हाका लागून केरी, मोर्ले, कारापूर – सर्वण पंंचायत वाठारांतल्या लोकांंनी कपडे धुतना, न्हंंये कुशीक गोरवा चरपाक व्हरतना वा न्हातना जतनाय घेवची, अशी शिटकावणी उदका पुरवण खात्यान दिल्या.
राज्यात सध्या उटंगाराचो पावस सुरू आसा. अंजुणें धरणांतल्या उदकाची पातळी शुक्रारा 87.30 मिटर आशिल्ली. उदकाची पातळी 90 मिटर मेरेन पावले धरण भरता. उदकाची पातळी 90 मिटरा लागी पावले उपरांत उदक सोडपाक सुरवात जातली, अशी म्हायती धरणावेल्या अभियंंत्यांनी दिली. उदकाची पातळी 89 मिटरा वयर पावले उपरांंत उदक सोडपाक सुरवात जातली, अशेंंय तांंणी सांंगलेंं.
अंंजुणें सयत हेर धरणांतल्या उदकाची पातळी वाडत आसा. पंंचवाडी आनी गावणें धरण 100 टक्के भरला. साळावली धरण 105 टक्के भरिल्ल्यान 2.50 क्युमेक्स इतले उदक व्हांवपाक सुरवात जाल्या. आमठाणें धरण 90 टक्के जाल्यार चापोली 88 टक्के भरला. अंजुणें धरण 69 टक्के भरला आसले तरी उदकाची पातळी 90 मिटर मेरेन पावली काय उदकाचो विसर्ग सुरू जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
