भांगरभूंय | प्रतिनिधी
भांगरभूंय । प्रतिनिधी
केरी-सत्तरीः केरी हांगची भरतनाट्यम नाच कलाकार अंकिता तुकाराम माजीक हिका इंटरनॅशनल कॉमनवेल्थ बिझनेस, एज्यूकेशन अॅण्ड लीडरशीप 2023 चो (टीपीईजी) शास्त्रीय नाच विभागांत आंतरराष्ट्रीय यंग अचिव्हमेंट’ व्हो पुरस्कार फावो जालो. गुडगांव- दिल्ली हांगा जाल्ल्या संमेलनांत ताका तो दिलो.
ह्या वेळार टीपीईजीचो संस्थापक डॉ.मानव अहुजा,सीईडी फॉवंडेशनाची अध्यक्ष डॉ.प्रियदर्शी नायक, टाटा मोटर्साचे मुख्य अधिकारी डॉ.अजयकुमार बाजपाल आनी हेर मानेस्त हाजीर आशिल्ले. अंकिता भरतनाट्यम नाच कलाकार आसा. हाच्या पयलीं ताका राष्ट्रीय युथ कला आयकॉन, महाराष्ट्र आनी गोंयांत जायते पुरस्कार फावो जाल्यात.
पिरायेच्या सात वर्सांचेर ताणे भरतनाट्यम शिकपाक सुरवात केल्ली. कुशल 3 ही पदवी ताणे गोवा कला अकादमींतल्यान मेळयल्ली. बंगळुरू विद्यापिठांतल्यान भरतनाट्यमांत ताणे मास्टर इन प्रोग्रामींक आर्ट ही पदवी मेळयल्या. .नक्षत्र उत्सव,राष्ट्रीय युवा महोत्सव, नुपूर नाच महोत्सव, शास्त्रीय नाच महोत्सव तशेंच भरतनाट्यम लाईव्ह व्हो दोन वरांची कार्यावळ ताणे साखळेच्या रवींद्र भवनांत सादर केल्ली. सद्याक अंकिता प्रगती कॉलेज पेडणे हांगा सहाय्यक प्राध्यापिका म्हणून काम करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
