भांगरभूंय | प्रतिनिधी
नवी दिल्ली, खबरां संस्था : प्रधानमंत्री नरेंद्र मोदी हांचो तिसरो कार्यकाळ सुरु जाला. पीएम सुर्योदय येवजणेची वेंचणुके पयलीं बरीच चर्चा जाली. घोशणा जाले उपरांत तिका बरोच प्रतिसाद मेळ्ळो. ही येवजण ७५,००० कोटी रुपयांची आसा. १ कोटी घरांक दरेकी ३०० युनिट मुफत वीज दिवपाचो हे येवजणेचो हेत आसा. तिका लागून ग्रीन एनर्जीक उर्बा मेळटली आनी कार्बन उत्सर्जन उणें जावन पर्यावरणाचें संरक्षण जातलें. हे येवजणे खाला नागरिकांक तांच्या पांख्याचेर सोलर पॅनल लावपाक मेळटलें.
ही येवजण कितें?
हे येवजणेंत सुर्याचे ऊर्जे पसून विजेची निर्मिती करतले. हे येवजणे खातीर गिरायकांक सबसिडी मेळटली. गिरायकांक ३०० युनीट वीज फुकट मेळटली. चड वीज उत्पादन जाल्यार तातूंतल्या १८००० रुपयां मेरेन जोडपाक मेळटलें. हे येवजणे खातीर केंद्र सरकारान ७५००० कोटी रुपयांची गुंतवणूक केल्या. बँकेंत हे येवजणे खातीर रीण मागल्यार ताचेर गिरायकांक सवलतूय मेळटली. हे येवजणे खातीर गिरायकांक ऑनलायन अर्ज करपाक मेळटलें. गिरायकांक https://pmsuryaghar.gov.in हे वेबसायटीचेर अर्ज करपाक मेळटले. Rooftop Solar Scheme ह्या पर्यायाचेर क्लीक करुन अर्ज भरूं येता.
अशी मेळटली सबसिडी
ही येवजण चालीक लावपा खातीर सरकार उर्बा दिता. हे येवजणे खाला गिरायकांक सबसिडी दिवपाचें काम सुरू जालां. गिरायक कितले किलोवॅट सौर पॅनल लायता ताचेर सबसिडीची रक्कम मेळटली. एक किलोवॅट (१ किलोवॅट) सौर पॅनल लावपाक सरकार १८ हजार रुपया सबसिडी दिता. २ किलोवॅट पॅनलाक ३० हजार रुपया सबसिडी मेळटा. ३ किलवॅट पॅनल बसयल्यार सरकार ७८ हजार रुपयांची सवलत दिता.
मेळ्ळो व्हड प्रतिसाद
घराच्या पांख्यार सौर पॅनल लावन वीज तयार करपाचे हे येवजणे खातीर नांव नोंदणी मार्च म्हयन्या सावन सुरू जाल्या. आसाम, बिहार, गुजरात, महाराष्ट्र, ओडिशा, तमिळनाडू आनी उत्तर प्रदेशांतल्यान हे येवजणेक व्हड प्रतिसाद मेळ्ळो.
कोणाक अर्ज करपाक मेळटा
अर्ज कसो करचो
https://pmsuryaghar.gov.in/consumerRegistration हांगा वचात.
नांव, पत्तो आनी हेर पुराय तपशील हांगा भरात.
तशेंच हांगा कितलें अनुदान मेळटलें तें पळोवंक मेळटलें. फुडाराक हे येवजणेंत फकत घराच्या पांख्यार सौर पॅनल आसचे ना. शेत आनी उक्त्या मळारूय सोलर पॅनल आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
