भांगरभूंय | प्रतिनिधी
भारताच्या 16 वर्सां पिरायेच्या दोन्नारुमा गुकेशान इतिहास घडयलो. अॅमचेस रॅपीड ऑनलायन सर्तींत संवसारीक वस्ताद मॅग्नल कार्लसनाक हारयलो. तशेंच संवसारीक वस्तादाक हारोवपी गुकेश सगल्यांत युवा बुद्दीबळ खेळगडो थारलो. गुकेशान णववे फेरयेंत कार्लसनाक हारयलो. विशेश गजाल म्हणल्यार दोन दीस पयलीं भारताचो ग्रॅण्डमास्टर अर्जुन एरिगैसीन लेगीत कार्लसनाक हारयिल्लो.
धव्या घुलांनी खेळपी गुकेशान फ्रॅंच ओपनिगेंत आक्रमक रुप आपणायलें आनी खेळाचेर आपलें नियंत्रण दवरलें. पूण, एका वेळार कार्लसन ही मॅच जिखता अशें दिशिल्लें. पूण, गुकेशान हार मानूंक ना. 24वे चालींत कार्लसन घुस्पलो आनी 29वे चालींत कार्लसनान हार मान्य केली.
ते उपरांत गुकेशान अजरबैजानाच्या ममेद्यारोव आनी कॅनडाच्या एरीक हेनसेनाक हारयलो. जाल्यार पोलंडाच्या यान डुडा आड मात गुकेशाक हार घेवची पडली.
डुडा 12वे फेरये उपरांत डुडा 25 गुणां सयत पयले सुवातेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
