भांगरभूंय | प्रतिनिधी
भांगरभूंय । प्रतिनिधी
काणकोणः परंपरागत कृशी उदरगत येवजणे खाला आमोणे हांगचे संस्कृती भवनान आयोजीत केल्ले प्रशिक्षण कार्यावळींत काणकोण तालुक्यांतल्या शेतकारांक हायब्रीड पिकाचे सुवातेर पारंपरीक पिकां घेवपाचें आव्हान कृशी अधिकाऱ्यांनी केलां.
दक्षीण गोंय कृशी तंत्रगिन्यान वेवस्थापन एजन्सी आनी काणकोण विभागीय कृशी कार्यालयान ही कार्यावळ आयोजीत केल्ली. सेंद्रीय खत वापरून पिकयतात त्या काणकोण मिरसांगचें चड प्रमाणात उत्पादन घेवपाचें तशेंच थळावे नाल्ल, काजू आनी आंब्यांची कलम तयार करपाचें शेतकारांक सागालं. हायब्रीड पिकांक ए जायते तरेच्यो किडी लागतात. थळाव्या पिकांक ताची चड लागण जायना अशें अधिकाऱ्यांनी शेतकारांक सांगलें.
प्रशिक्षण घेतिल्ल्यांक दक्षीण गोंय कृशी तंत्रगिन्यान वेवस्थापन एजन्सीचो प्रकल्प संचालक शिवराम नायक गांवकार आनी काणकोणचो विभागीय कृशी अधिकारी किर्तीराज नायक गांवकार, बलराम निवसी शाळेची मुख्याध्यापिका सविता तवडकार, शिक्षक अशोक वेळीप, पर्यावरण मोगी सुभाष महाले, आनी जैव विविधताय मंडळाचो वांगडी शिरीष पै हांचे हस्तुकीं रोप्यांचें वांटप केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
