भांगरभूंय | प्रतिनिधी
भांगरभूंय । प्रतिनिधी
पणजीः गोंय पुलिसांच्या गुन्यांव फांट्यान हणजूण हांगा डिमेलोवाडो हांगा छापा घालून अजीत कांबळी (52) हाका अटक करून ताचे कडेन आशिल्लो 3 लाख रुपये मोलाचो 505 ग्राम चरस जप्त केलो.
डिमेलोवाडो हांका भाड्याचे कुडींत रावपी एकलो घुंवळी वखदांची तस्करी करता अशी म्हायती गुन्यांव फाट्याक मेळिल्ली. त्या प्रमाण पुलीस निरीक्षक लक्षी आमोणकार, उपनिरीक्षक गिरीश पाडलोस्कार, सहाय्यक पुलीस निरीक्षक शीतल नायक हांणी हेर पुलिसांनी छापो घालून कांबळी हाका ताब्यांत घेवन चवकशी केली तेन्ना ताचे कडेन चरस सांपडलो. बिरेस्तारा ताका म्हापशेंच्या पयलो वर्ग न्यायालयांत रिमांडा खातीर उबो केलो तेन्ना न्यायाधिशान ताका चार दिसांची पुलीस कादय दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
