भांगरभूंय | प्रतिनिधी
भांगरभूंय प्रतिनिधी
पणजी : केंद्रीय महसूल गुप्तचर संचालनालयाच्या (डीआरआय) गोंय विभागात फाटल्या मंगळारा (19 एप्रील) दाबोळी विमानतळार फातोडेर केल्ले कारवायेंत कॉम्बो ड्रोन सयत भांगर आनी हेर वस्तू मेळून 2.12 कोटी रुपयांच्या स्मगलींग प्रकरणांत दुबयच्यान आशिल्ल्या पांच प्रवाशांक अटक केल्ली. ताकां मडगांव हांगच्या प्रधान न्यायदंडाधिकारी सुधीर एस शिरगांवकार हांणी 25 हजार रुपयाचे हमीदार आनी हेर अटी घालून जामीन दिलो.
डीआरआय अधिकाऱ्यांनी शारजाच्यान आय़िल्ल्या एअर अरेबिया जी- 9492 ह्या विमानांतल्या आयिल्ल्या वासिद अली खान (सिवान, बिहार), जुनेदुल हक्क (तांडेल गल्ली, मुंबय), जुनेत अफझल शेख (चिरा बाजार, मुंबय), मुहंमद अयुब (बिजनोर, उत्तर प्रदेश) आनी मोहसीन राजा (कौशंबी, उत्तर प्रदेश) हांका ताब्यांत घेवन तांची चवकशी केल्ली तेन्ना स्मगलींगाचें प्रकरण उक्ताडार आय़िल्लें. मडगांवच्या न्यायालयान जामीन मंजूर करतना तांकां 15 दीस डीआरआयच्या कार्यालयांत हजेरी लावपाक उपरांत दर 15 दिसांनी हजेरी लावपाक सांगलां
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
