भांगरभूंय | प्रतिनिधी
सर्वोच्च न्यायालया कडल्यान भारतीय क्रिकेट नियामक मंडळाचे (बीसीसीआय) अध्यक्ष सौरव गांगुली आनी सचीव जय शाह हांकां व्हड थाकाय मेळ्ळी.
काल 14 सप्टेंबराक जाल्ले सुनावणेंत सर्वोच्च न्यायालयान बीसीसीआयचे घटनेंत दुरुस्ती करपाची परवानगी दिली. ही दुरुस्ती बीसीसीआयच्या पदाधिकाऱ्यांच्या कुलींग ऑफ कालावधीच्या नेमांत करतले. आतां राज्य क्रिकेट संघटनेंतलो पदाचो कालावधी आनी बीसीसीआयंतलो पदाचो कालावधी पुर्ण जाल्या उपरांत कुलींग ऑफ कालावधी लागू जातलो. ताका लागून सौरव गांगुली आनी जय शाह हांकां व्हड थाकाय मेळ्ळी.
बीसीसीआयन दाखल केल्ल्या कुलींग ऑफ कालावधीच्या नेमांत दुरुस्ती करपाचे याचिकेचेर सर्वोच्च न्यायालयान निरिक्षण केलें की ‘कुलींग ऑफ कालावधींत कितें आसूंक जाय हाचो विचार करतना बीसीसीआयन प्रस्तावीत केल्ली दुरुस्ती कुलींग ऑफ कालावधीच्या मूळ उद्देशाक धपको बसना. ताका लागून सुचयिल्ली कुलींग ऑफ कालावधी विशींची घटना दुरुस्ती न्यायालय मान्य करता’ अशी टिपणी केली.
नव्या बदला प्रमाणः
ए-राज्य क्रिकेट संघटणेंत सेगीत दोन मुजतीं खातीर पद सांबाळपी व्यक्तीक ते उपरांत कुलींग ऑफ कालावधी लागू जातलो.
बी- जर कोण बीबीसीआयंत सेगीत दोन कार्यकाळ सांबाळटा जाल्यार त्या मनशाक कुलींग ऑफ कालावधीक तोंड दिवचें पडटलें.
सी- जर एखाद्रा व्यक्तीची राज्य संघटनेंत एका कालावधी खातीर निवड जाली. ते उपरांत ते व्यक्तीन बीसीसीआयंत एका कालावधी खातीर पद स्विकारलें. जाल्यार एकठांय दोन कालावधी पुर्ण केल्या उपरांत ते व्यक्तीक कुलींग ऑफ कालावधी लागू जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
