भांगरभूंय | प्रतिनिधी
एनसीइएसएस कडल्यान फिल्ड इन्वेस्टिगेशन पुराय
पणजी, प्रतिनिधी : दर्यादेग वेवस्थापन आराखडो २०१९ पुराय करपाची आता जानेवारी २०२५ ही नवी डेडलायन आसा. पर्यावरण मंत्री आलेक्स सिक्वेरा हांणी सभाघरांत जीत आरोलकार हांच्या प्रस्नाक ही लेखी जाप दिल्या.
नॅशनल सेंटर फॉर अर्थ सायन्स स्डडीज, केरळ (एनसीइएसएस) संस्थेकडल्यान दर्यादेग वाठाराचें फिल्ड इन्वेस्टिगेशन पुराय जालां. फाटल्या वर्सा (२०२३) मे आनी सप्टेंबरांत हें फिल्ड इन्वेस्टिगेशन पुराय जालां, अशी म्हायती पर्यावरण मंत्र्यांनी लेखी जापेंत दिल्या. दर्यादेग वाठारांची आनीक एक फावट पळोवणी करपाची गरज आसा. ही पळोवणी जाल्या उपरांत भौशीक सुनावणी घेवची पडटली. भौशीक सुनावणी जाले उपरांत परत गरजे प्रमाण दुरूस्ती करची पडटली. दुरूस्ती जाले उपरांत परत एनसीएससीएम आराखडो तयार करपा खातीर धाडची पडटली. ही प्रक्रीया पावसा उपरांत सुरू जातली.
आराखडो तयार जावपाक कळाव जावंक ना. एप्रीलांत मुखेल सचिवांनी आराखड्या विशीं व्हिडीओ कॉन्फरन्सिंग बसका घेतली. हे बसकेंत आराखडो तयार करपा विशींची टायमलायन निश्चीत केल्या.
भरती रेशा (एचटीएल), सुकती रेशा (एलटीएल) ची म्हायती घेवपाचो वावर ऑगस्टांत पुराय जातलो. जिल्हो पावंड्यार आराखड्याचो मसुदो (१:२५००० स्केल) ऑक्टोबर मेरेन तयार जातलो.
नोव्हेंबर, डिसेंबरांत जिल्हो पावंड्यार भौशीक सुनावण्यो जातल्यो.
जानेवारी २०२५ त गरज पडल्यार परत फिल्ड वेरीफिकेशन जातलें.
जानेवारी २०२५ त जीसीझेडएमए कडेन चर्चा करून नॅशनल सेंटर फाॅर अर्थ सायन्स स्टडीज (एनसीईएसएस) कागदपत्रां, आराखडे सादर करतले.
आराखडो तयार करपा खातीर सकयल दिल्ले म्हायतीची गरज आसा :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
