भांगरभूंय | प्रतिनिधी
भारताची ऑलिम्पीक पदक जैतिवंत पी व्ही सिंधू हिका थायलॅण्ड ओपन बॅडमिंटन सर्तीचे सेमी फायनलींत हार घेवची पडली. तिका टोकियो ऑलिम्पिकांत भांगरा पदक जिखपी चीनाचे यू फाई हिणें 21-17 आनी 21-16 अशा सरळ गेमींनी हारयली.
सिंधू पयले गेमी पसून फाटीं पडत गेली. तिणें उपरांत मॅचींत येवपाचो यत्न केलो. पूण तिका येस आयलें ना. पयली गेम तिणें 21-17 फरकान वगडायली. दुसरे गेमींत भरपाय करपाचो तिणें यत्न केलो. पूण, दुसरे गेमींत लेगीत तिका हार घेवची पडली. मॅच फक्त 43 मिनटां चल्ली. सिंधूचे हे हारी उपरांत हे सुपर 500 सर्तींतलें भारताचें आव्हान सोंपलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
