भांगरभूंय | प्रतिनिधी
साश्ट यंग स्टॅलियन्सान फायनलींत पै खोत फायटर्साक 22 धांवड्यांनी हारोवन डेझर्टर्स एन मोर सरसांगण 25 वर्सां पिराये सकयल्या चल्यांचे क्रिकेट सर्तीचें वस्तादपण जोडलें.
फायनल मॅच आर्लेम क्रिकेट मैदानाचेर जाली. इनामां भेटवण सुवाळ्याक आदले खेळां संचालक व्ही एम प्रभुदेसाय, गोवा सारस्वत समाजाचे अध्यक्ष जगन्नाथ उर्फ देश प्रभुदेसाय, माधव तालक, विठ्ठलदास भट, सिद्धेश खरांगटे आनी टीजेएसबी बॅंकेचे एजीएम अरुण भट उपस्थीत आशिल्ले.
प्रणव कामतीक सरसांगण मॅन ऑफ द सिरीज पुरस्कार, प्रथम कोसंबे हाची उत्कृश्ट बॅट्समन आनी अर्श सरदेसाय हाची सर्वोत्कृश्ट बॉलर म्हणून निवड जाली. अयान बोरकार आनी प्रथम प्रभुगांवकार हांकां जोड रितीन मोस्ट एनर्जेटीक प्लेयर्साचो पुरस्कार फावो जालो. सनत प्रभुदेसाय हाची सर्वोत्कृश्ट विकेटकीपर म्हूण जाल्यार मेहंक धारवाडकार हाची उत्कृश्ट फिल्डर म्हूण निवड जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
