साळांत पेटली शिक्षणीक क्रांतीची मशाल

भांगरभूंय | प्रतिनिधी

भांगरभूंय I प्रतिनिधी
दिवचल ः ‘पुनर्वसन साळची मुले न्यारी’ , ‘गुणवत्तापूर्ण शिक्षण घेई’ , ‘नवी उमेद, नवी आशा’, ‘नवलाईने भरेल पुनर्वसनाची शाळा’ शाळेत जा, वाचा,लिहा-घराचे नाव उज्ज्वल करा’ ह्या सारक्या जयघोशांनी मशाल मिरवणूक काडून साळच्या पुनर्वसणूक वाड्यार शिक्षणाची जनजागृती करून साळ पुनर्वसणुकेंतले मुळावे शाळेच्या भुरग्यांनी 2022-23 ह्या शिक्षणीक वर्सा खातीर शाळेंत प्रवेश करून वर्गांक सुरवात जाली.
ह्या वेळार पुनर्वसणूक साळच्या श्री गणेश मंदिरांत वचून बुद्दीचे देवतेक सांगणें केलें. उपरांत फुलां ओंपून राष्ट्रपती पदक जैतिवंत खोलपेवाडी साळचे पूत महेश आडेलकार हांचे हस्तुकीं शिक्षणीक क्रांतीची मशाल पेटयली.
ह्या वेळार साळ पंचायतीचे पंच देविदास (बाबू ) नायक, शाळेचे प्रभारी मुख्याध्यापक धाकटू पाटील, शाळेची इंग्लीश विशय शिकोवपी शिक्षिका रेश्मा नायक, शिक्षिका स्मिता राऊळ, शाळा
वेवस्थापन समितीची अध्यक्ष ऋतुजा गवस, शिक्षक संकेत नायक आनी समग्र शिक्षा अभियानाची विठाबाई बांदेकार आदी मानेस्त हाजीर आसलीं.
उपरांत शिक्षणीक क्रांतीची पेट्टी मशाल पुराय पुनर्वसणूक वाड्यार भोंवडावन घोशणेचो जयघोश करीत स्कूल चले हम ह्या पदाच्या तालार प्रभात फेरी शाळेच्या आंगणांत येतकच परिपाठांतल्यान उपचारीक कार्यावळींक सुरवात जाली.
नवें शिक्षणीक वर्स आनी शिवराज्याभिशेका निमतान छत्रपती शिवाजी महाराज हांच्या पुतळ्याक फुलांहार घालून कार्यावळीक सुरवात जाली. ह्या वेळार कार्यावळींत शाळेंत नव्यान रुजू जाल्ली शिक्षिका स्मिता राऊळ हांकां शाळा वेवस्थापन समितीची अध्यक्ष ऋतुजा गवस हांणी फुलांची वेणी माळून येवकार दिलो. महेश आडेलकार, स्मिता राऊळ तशेंच सदित्सा भेट दिवपी पुणेचे रेवण आनंदराव साळुंके हांणी हाजीर आशिल्ल्या पालकांक आनी भुरग्यांक मार्गदर्शन केलें.
ह्या वेळार संजय सावंत, वासुदेव रमेश गवस, रामचंद्र मळगांवकार, संदीप पाटील, सागर म्हावळणकार, धनाजी देसाय, स्वरा गवस, साक्षी म्हावळणकार, स्नेहा सिद्धये, प्राची मणेरीकार, सोनम गवस, संजना काजारे, हर्षदा च्यारी आदी पालकांनी शिक्षण क्रांती मशाल फेरयेंत वांटो घेतलो.
पुराय कार्यावळीचें सुत्रसंचालन शिक्षक संकेत नायक हांणी केलें. मुख्याध्यापक धाकटू पाटील हांणी कार्यावळीचें प्रास्तावीक केलें जाल्यार ऋतुजा गवस हांणी उपकार मानले.