भांगरभूंय | प्रतिनिधी
भांगरभूंय I प्रतिनिधी
दिवचलः साळ हांगच्या वर्सुकी चैत्र पुनवे निमतान 17 एप्रीलाक श्री चव्हाटेश्वर रंगमाचयेर कला उन्मेश महिला नाट्य मंडळान पांडुरंग गावडे हांच्या “कळीचा नारद” ह्या पयल्या पुराणीक नाटकाचो प्रगोय सादर केलो. ताका लोकांनी सामको बरो प्रतिसाद दिलो.
सगल्या बायलांनी आपापले भूमिकेक न्याय दिलो. साळ हांगच्या फटी बायकारान नाटकाचें दिर्गदर्शन केलें. संतोष नायकान ताका मजत केली. नाटकाक संगीत मधू रावतान दिलें. चैताली चंद्रकांत परबान नारदाची मध्यवर्ती भूमिका रंगयली. साईच्छा सतीश रावतान चरपटीनाथाची संगीत भूमिकेक जाय तसो न्याय दिलो. प्रेक्षकांनी कलाकारांक इनामां दिलीं.
सत्यभामा गणेश काजारी, लक्ष्मी ज्ञानेश्वर चिनरकर, आचल लक्ष्मण परब, चैताली चंद्रकांत परब, प्रज्ञा सतीश राऊत, नीलिमा मुकुंद तारी, मानसी लक्ष्मण परब, उषा संतोष नाईक, सिताली सिताराम नायक, साईच्छा सतीश रावत, प्राची प्रकाश परब, निधी नंदू राऊत, प्रतिमा दामोदर परब, भक्ती शैलेश देसाय, रूपा रोहिदास काजारी, अमिता अनिल घाडी हांणी नाटकांत भूमिका केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
