सात उपअधिक्षकांच्यो बदल्यो

भांगरभूंय | प्रतिनिधी

सात उपअधिक्षकांच्यो बदल्यो

भांगरभूंय I प्रतिनिधी
पणजी : पुलीस खात्यांतल्या 7 उपअधिक्षकांची बदली जाल्यार 8 उपअधिकां कडेन अतिरिक्त ताबो दिला. हे विशींचो आदेश पुलीस मुख्यालयाचे अधिक्षक शेखर प्रभुदेसाय हांणी मंगळारा जारी केला.
जारी केल्ल्या आदेशा प्रमाण उपअधिक्षक रुपेंद्र शेटगांवकार हांची बदली उत्तर गोंय विशेश विभागाच्या उपअधिक्षकपदार केल्या. सलीम शेख हांची बदली वास्को उपविभागीय पुलीस अधिकारीपदार केल्या. पेडणेंचे उपअधिक्षक सिद्धांत शिरोडकार हांची उत्तर गोंय येरादारी उपअधिक्षकपदार बदली केल्या. प्रबोध शिरवयकार हांची दक्षीण गोंय येरादारी उपअधिक्षकपदार बदली केल्या.
राजेश कुमार हांची बदली पेडणेंचे उपअधिक्षकपदार, राजन निगळ्ये हांची दक्षता खात्याच्या भ्रश्टाचार विरोधी पथकाच्या उपअधिक्षकपदार, जाल्यार उपअधिक्षक रॉय पेरेरा हांची बदली गोंय राखीव दळाच्या पांच विभागांच्या उपअधिक्षकपदार केल्या. तशेंच तांचे कडेन आर्मोरी आनी एस्कोट विभागाची अतिरिक्त जापसालदारकी दिल्या.
उपअधिक्षक हरिश्चंद्र मडकयकार हांचे कडेन पुलीस कल्याण विभागाचो अतिरिक्त ताबो दिला. उपअधिक्षक नूतन वेर्णेकार हांचे कडेन बायलां पुलीस आनी मानवी तस्करी विरोधी विभागाचो अतिरिक्त ताबो दिला.
उपअधिक्षक राम आसरे हांचे कडेन पुलीस नियंत्रण कक्षाचो अतिरिक्त ताबो, उपअधिक्षक विल्सन डिसोझा हांचे कडेन वेंचणूक विभाग आनी कायदो, दक्षता विभागाचो अतिरिक्त ताबो दिला. उपअधिक्षक सुदेश नार्वेकार हांचे कडेन सुरक्षा विभागाच्या उपअधिक्षकपदाचो अतिरिक्त ताबो दिला. उपअधिक्षक आशिष शिरोडकार हांचे कडेन उपकमांडण्ट आनी आतंकवादी विरोधी पथकाचो उपअधिक्षकपदाचो अतिरिक्त ताबो दिला.
प्रवीणकुमार वस्त हांचे कडेन पर्यटन पुलीस आनी पुलीस म्हासंचालकाचे विशेश अधिकारीचो अतिरिक्त ताबो, जाल्यार पुलीस उपअधिक्षक संतोष देसाय हांचे कडेन कम्युनिकेशन विभागाचो अतिरिक्त ताबो दिला.