सातेरी संस्थानाचो स्थापणूक दीस व्हडा दबाज्यान मनयलो

भांगरभूंय | प्रतिनिधी

भांगरभूंय । प्रतिनिधी
म्हापशेंः खोर्ली- म्हापशें हांगच्या श्री देवी सातेरी संस्थानाचो स्थापणूक दीस वेगवेगळ्या कार्यावळींनी व्हडा दबाज्यान मनयलो. श्री आनी सौ लोकेश राठवड हांच्या येजमानके खाला धर्मीक विधी जाले. मुखेल पुरयत म्हणून राजू केळकार हांणी काम पळयलें.
दनपारां म्हाप्रसाद जाल्या उपरांत सांजे थळाव्या कलाकारांची भजनाची कार्यावळ जाली. उपरांत सुवासिनी वतीन दिपोत्सव आनी पालखी प्रदक्षणा जाली. देवीचें पालखे सयत देवळांत आगमन जाल्या उपरांत पावणी, आरत्यो आनी तीर्थप्रसाद जावंन दिसाचो समारोप जालो.