भांगरभूंय | प्रतिनिधी
कारवार, खबरां संस्था : पणजेच्यान नुस्तेंमारी खातीर गेल्ली बोट स दिसां पयलीं दर्यांत सांडिल्ली ही बोट अंकोला म्हालांतल्या बेलेकेरी दर्या देगेर सांपडली. तटरक्षक दळाच्या जवानांनी तिचो सोद घेतलो. उपरांत ही बोट ती कारवार बंदरावर हाडली. हे बोटींतल्या २७ नुस्तेंमार्यांची जीव वाटवलो.
‘क्रिस्टो रिया’ नांवाची IND-GA_01-MM-2233 ह्या क्रमांकाची बोट स दिसां पयलीं पणजेच्यान दर्यांत सांडिल्ली. ७ हजार लीटर डिझेलची तांक आशिल्ले हे बोटींत २७ नुस्तेंमार कामगार आशिल्ले. गोंयच्यान दर्यांत गेल्या उपरांत ही बोट सांडिल्ली. तांकां संपर्कूय जायनाशिल्लो. उपरांत तटरक्षकांचे मजतीन हे बोटीचो सोद घेतो. तेन्ना बेलेकेरी दर्यादेगे पसून ३५ नाटिकल मैल पयस ही बोट आशिल्ल्याचें कळटांच २७ जाणांक सुरक्षीत कारवार जुंव्यार हाडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
