भांगरभूंय | प्रतिनिधी
भांगरभूंय प्रतिनिधी
सांगेंः सांग्यार रवींद्र भवन बांदपा खातीर पाजीमळ हांगा सरकारान जमीन घेतल्या. नोव्हेंबर म्हयन्यांत भवनाच्या बांदकामांचो ब्युनादी फातोर बसयतले अशें सांगें मतदारसंघाचो आमदार आनी समाज कल्याण मंत्री सुभाष फळदेसाय हांणी सांगलें. रवींद्र भनव जातकूच सांगें मतदारसंघांतल्या कलाकारांक हक्काची माची मेळटली अशें तांणी सांगलें.
सांगें गुरुकूल सभाघरांत अॅड अभिलाषा नायक हिच्या ‘मन पर्व’ ह्या कोंकणी कविता झेल्याचें प्रकाशन केल्या उपरांत फळदेसाय उलयताले. ह्या वेळार माचयेर साहित्यीक डॉ राजय पवार, कवी गौरीश वेर्णेकार, कोंकणी अकादेमीचो उपाध्यक्ष वसंत सावंत आशिल्लो.
अॅड अभिलाषा नायक एक नाटककार म्हणून फामाद आसाच आतां कवयित्री म्हणून तें फुडें येवपाक लागलां हे तागेलें तिसरें पुस्तक आसा. ताणे 9 नाटकां बरयल्यांत. एक सर्जनशील लेखिका आनी कवयित्री म्हणून ताका हांव बरो फुडार आंवडीतां अशें डॉ राजय पवार हांणी ह्या वेळाल सांगलें.
अंजली मापारी हिणे कार्यावळीचें सूत्रसंचालन केलें. मानेस्तांची वळख करून दीपक शिरोडकार हांणी करून दिली. अॅड अभिलाषा नायकान निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
