भांगरभूंय | प्रतिनिधी
पणजीः गोंय राज्य कर्मचारी भरती आयोगान सहाय्यक शिक्षक आनी पुलीस उपनिरिक्षक (पीएसआय) पदां खातीर अर्ज करपाची मुजत वाडयली. साहाय्यक शिक्षक पदां खातीर अर्ज करपाची मुदत १५ जुलय मेरेन वाडयली. पीएसआयच्या पदां खातीर अर्ज करपाची मुजत ३० मे मेरेन वाडयली. आनी प्रोग्रामर, तांत्रीक साहाय्यक ह्या हेर पदां खातीर २३ मे हीच अर्ज करपाची निमणी तारीख आसा.
सहाय्यक शिक्षक, पुलीस उपनिरिक्षक, तंत्रीक सहाय्यक, प्रोग्रामर, लायब्ररीयन, तंत्रीक अधिकारी अशीं 398 पदां भरपा खातीर कर्मचारी भरती आयोगान 2 मे 2025 दिसा जायरात दिल्ली. इत्सुक उमेदवारां कडल्यान व्हड प्रमाणांत अर्ज येवपाक लागल्यात. जायरात जारी केल्ली तेन्ना सगल्या पदां खातीर अर्ज करपाची निमाणी तारीक 23 मे 2025 आशिल्ली. आतां सहाय्यक शिक्षक पदां खातीर अर्ज करपाची मुजत देड म्हयने वाडयल्या. पीएसआय पदां खातीर अर्ज करपाची मुजत सात दीस वाडयल्या.
सहाय्यक शिक्षकांच्या 118 पदां वांगडाच चित्रकला शिक्षकांचीं 2 पदां आनी इंग्लीश शिक्षकांचीं 14 पदां भरपाचे आसात. चित्रकला शिक्षक आनी इंग्लीश शिक्षक ह्या पदांक ही वाडयल्ली मुजत लागू जायना. चित्रकला शिक्षक आनी इंग्लीश शिक्षकां खातीर 23 मे मेरेन अर्ज करचे पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
