भांगरभूंय | प्रतिनिधी
भांगरभूंय । प्रतिनिधी
म्हापशेंः सराफी वेवसायीक कंपनींचे एजंट करपाच्या नांवां खाला पांच गुंतवणुकदारांक 5.79 कोटी रुपयांची तोपी घालपाचो प्रकार जालो. ह्या प्रकरणांत पर्वरी पुलिसांनी व्यंकटेश्वर बुलियन गोल्डाचो धनी अक्षय अनंत सावंत (सुकूर, मूळ मुंबय) हाचे आड फटवणुकीचो गुन्यांव नोंद केला.
फाटल्या फेब्रुवारी म्हयन्यांत जाल्ल्या ह्या प्रकारा आड शरीफ वसीम खान आनी हेर चार जाणांनी पर्वरी पुलीस स्टेशनांत कागाळ केल्या. अक्षय सावंतान आपूण भांगराचो वेपारी आशिल्ल्याचें सांगून आपल्याक व्येंकटेश्वर बुलियन गोल्ड कंपनीचे एंजट नेमपाचे आसात अशें सांगून तांकां गुंतवणूक करपाक सांगलें आनी भांगराचें नाणे आनी बिस्कीट दिवपाचें हांयस दाखयलें.
पांच जाणांनी 5 कोटी 79 लाख 77 हजार रुपयांची गुंतवणूक केली. मात सांगल्ले प्रमाण नाणे आनी बिस्कीट मेळ्ळी ना आनी आपली फटवणूक जाली हें लक्षांत येतगीर तांणी पुलीस स्टेशनांत धांव घेतली. पर्वरी पुलिसांनी अक्षय सावंत हाचो सोद घेवपाक सुरवात केल्या. निरीक्षक अनंत गांवकाराच्या मार्गदर्शना खाला उपनिरीक्षक प्रतीक भट तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
