भांगरभूंय | प्रतिनिधी
भांगरभूंय । प्रतिनिधी
उसगांवः सत्तरी तालुक्यांत म्हादयच्या वाठारांत व्हडा प्रमाणात जैव संपदेचो अधिवास आसा. तातूंत जायत्यो तरेच्यो वनस्पत, पशु, पक्षी दिश्टी पडटात. केंद्रीय पर्यावरण आनी रानां मंत्रालयान सैम संवेदन विभाग कार्यवाही हातांत घेतल्या आनी 60 दिसां भितर सत्तरीतल्या ह्या विभागांत येवपी गांवांतल्या लोकांक सूचोवण्यो आनी आक्षेप धाडपाक सांगल्यात.
गोंयांत 1461 किलोमीटर वाठार सैन संवेदन विभाग म्हणून जाहीर केला. तातूंत सत्तरी तालुक्यांतल्या 55 गांवांचो आसपाव आसा. ताका लागून जैव सपदेचें संवर्धन करपाची संद मेळटली. तशें जाल्यार सत्तरी तालुक्याची वेगळी अशी वळक जैव संपदेच्या माध्यमांतल्यान जावपाक शकता.
सैम संवदेन वाठारा विशीं अभ्यास करपा खातीर नेमिल्ले समितीन आपलो अहवाल पर्यावरण आनी रानां मंत्रालयाक सादर केल्लो. ताचो अभ्यास करपाक सध्या तो गोंय, गुजरात, महाराष्ट्र, कर्नाटक, केरळ आनी तमिळनाडू ह्या स राज्यांक तो धाडला.
अंजुणे, शिरोली, गुळ्ळे, पाली, शिंगणे, शेळपी बुद्रुक, नानेली, माळोली, कोपार्डे, ब्रम्हाकरमळी, हेदोडे, उस्ते, आंबेडे, डोंगरवाडा, म्हाऊस, भुईपाल, वेळूस, सोनाळ, कुंभारखण, वाळपई, सावर्डे, वेळगे, हासोळे,करमळी बुद्रुक , बाराजण, पणशे, शेळप खुर्द, भिरोंडा, खोतोडा, शिरसोडे, करंझोळ, असोडे, मेळावली, आंबेली, गवाणे, मलपण, सुर्ला, साट्रे, गोळावली, चरावणे, हिवरे खुर्द, हिवरे बुद्रुक, केळावडे, रीवे, कोदाळ, डोंगुरवाडा, देरोडे, वायंगणी, नानोडा, झाडानी ह्या सत्तरी तालुक्यांतल्या गांवाचो सैन संवेदन विभागांत आसपाव केला.
बॉक्स
पश्चीम घाट संवेदन वाठार
गुजरात – 449 कि.मी.
महाराष्ट्र – 17340 कि.मी
गोंय – 1461 कि.मी.
कर्नाटक – 20668 कि.मी
तमिळनाडू – 6914 कि.मी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
