भांगरभूंय | प्रतिनिधी
भांगरभूंय । प्रतिनिधी
वाळपयः वातावरणांतल्या उकाड्याक लागून सत्तरींतल्या उस्तें बंधाऱ्याक न्हावपा खातीर येवपी कांय तरणाटे सोरो पियेनव थंय धुडगूस घालपाक लागल्ल्यान थळाव्या लोकांक तांचो त्रास जावपाक लागल्ल्यान ताणी तांचे आड सध्या आक्रमक पवित्रो घेतला. बंधाऱ्याची नासधूस करपाचे प्रकार जावपाक लागल्ल्यान उदकास्रोत खात्या कडेन कागाळ करून बंधाऱ्यार न्हांवपाक बंदी घालपाची मागणी तांणी केल्या.
उदक आडयात, उदक जिरयांत हे सरकारी येवजणे खाला पंदरा वर्सां आदी म्हादय न्हंयेचेर जायते कडेन बंधारे बांदल्यात. उस्तेंचो बंधारो सगल्यांत व्हडलो आसा. थंयचें उदक शेतां आनी बागायतींक दितात. फाटल्या कांय दिसां सावन थंय लोक व्हडा प्रमाणांत न्हांवपाक येतात. सुटचेच्या दिसांत थंय न्हांवपाक येवपी लोकांची गर्दी जाता. कांय लोक सोरो पियेवन नाका त्यो गजाली करतात. बंधाऱ्याच्या आवाठांत सोरो पियेवन बाटल्यो उडयतात. उदक आडावपा खातीर घातल्ल्या लोखणाच्या पत्र्यांची नासधूस करतात अशें दिसून आयलां.
थळाव्या लोकांनी केल्ले कागाळेची दखल घेवंन उदकास्रोत खात्यान ह्या बंधाऱ्याचेर न्हावपाक बंदी घालपाचे थारावन फुडल्या सप्तका सावन तांची अंमलबजावणी करपाचें थारायलां. बंधाऱ्याक पुलीस बंदोबस्त दवोरचो अशी सूचोवणी खात्याच्या अधिकाऱ्यांनी केल्या शी खबर आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
