भांगरभूंय | प्रतिनिधी
तिरंगी माळे सयत फुडल्या वर्सा जावपी संवसारीक टी-20 सर्ती खातीर गोंयच्या शिखा पांडेन भारताच्या टी-20 पंगडांत सुवात मेळयली. पूण, ते खातीर ताका आपली तंदुरुस्ती सिद्ध करची पडटली अशें भारतीय क्रिकेट नियामक मंडळान (बीसीसीआय) म्हणलां.
शिखान निमाणे खेपे ऑक्टोबर 2021त ऑस्ट्रेलियेचे भोंवडेर भारता वतीन मॅच खेळिल्ली. तिणें देशांतर्गत क्रिकेटींत उत्कृश्ट प्रदर्शन करून तिणें राष्ट्रीय पंगडांत सुवात मेळयली.
संवसारीक टी-20 खातीर पंगडः हरमनप्रीत कौर (मुखेली), स्मृती मंधाना (उप मुखेली), शेफाली वर्मा, यास्तिका भाटिया (विकेटकीपर), ऋचा घोष (विकेटकीपर), जेमिमाह रॉड्रिग्स, हरलीन देओल, दिप्ती शर्मा, देविका वैद्य, राधा यादव, रेणुका ठाकूर, अंजली सरवानी, पुजा वस्त्रकर, राजेश्वरी गायकवाड आनी शिखा पांडे.
तिरंगी माळे खातीर पंगडः हरमनप्रीत कौर (मुखेली), स्मृती मंधाना (उप मुखेली), यास्तिका भाटिया (विकेटकीपर), जेमिमाह रॉड्रिग्स, हरलीन देओल, दिप्ती शर्मा, देविका वैद्य, राजेश्वरी गायकवाड, राधा यादव, रेणुका ठाकूर, मेघना सिंग, अंजली सरवानी, सुषमा वर्मा (विकेटकीपर), अमनजोत कौर, पुजा वस्त्रकर, एस मेघना, स्नेह राणा, शिखा पांडे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
