भांगरभूंय | प्रतिनिधी
खबरां संस्था
नवी दिल्लीः विराट कोहली व्हो संवसारांत सगल्यांच चड फॉलो करपी खेळगड्यांतलो एक आसा. मात. पोर्तुगालचो म्हान स्ट्रायकर क्रिस्टियानो रोनाल्डो आनी अर्जेंन्टिनाचो संवसारीक वस्ताद कॅप्टन लिलोनेल मेसी उपरांत कोहलीचे फॉलोवर आसात. तो गुगलाचेर 25 वर्सांत सगल्यात चड सर्च केल्ल्या क्रिकेटीयरां मदी पयले सुवातेर आसा. हे वळेरेंत सचीन तेंडुलकार, एमएस धोनी, रोहित शर्मा हांचोय आसपाव आसा.
विराट कोहलीक सगले वळखता आसतले अशें दिसतालें मात अजाप म्हणल्यार ब्राझिलाचो म्हान फुटबॉल खेळगडो रोनाल्डो मात कोहलीक वळखना. जेन्ना ताका यूट्युबर स्पीडान कोहली विशीं विचारलें तेन्ना तो कोण, अशें रानाल्डोन विचारलें. ताचे मदीं जाल्लो संवाद फुडले भशेनः स्पीड- तूं विराट कोहलीक वळखता. रोनाल्डो- कोण विराट कोहली ?. स्पीड- विराट कोहली भारतांतलो.. तूं ताका वळखना. रोनाल्डो- तो किदें खेळगडो आसा? स्पीड- तो एक क्रिकेटीयर आसा. रोनाल्डो- तो हांगा चड लोकप्रिय ना. स्पीडान रोनाल्डोक कोहलीचो फोटो दाखयलो आनी विचारलें, तुवे हाका केन्नाय पळोयलो ना. रोनाल्डोन ना अशी जाप दिली.
विशेश म्हणल्यार रशियाची टॅनीस स्टार मारिया शारापोवान एक फावट ताका सचीन तेंडुलकरा विशीं विचारलें तेन्ना आपूण ताका वळखना अशें सांगल्लें. ते उपरांत शारापोवाक बरीच टिका सोसची पडल्ली. एक मात खरें रशिया आनी ब्राझिलांत क्रिकेट तसो लोकप्रिय खेळ ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
