भांगरभूंय | प्रतिनिधी
पणजी, प्रतिनिधी : मध्य प्रदेश, राजस्थान आनी छत्तीसगड ह्या चार राज्यांचे विधानसभा वेचणुकेंत भाजपाक जैत मेळिल्ल्यान गोंय भाजपांत खोशयेचें ल्हार व्हांवता. तेलंगण सोडलें जाल्यार हेर तीन राज्यांनी भाजपान सत्ता मेळयल्या. आयज दनपरा पणजे भाजप कार्यालया मुखार शेंकड्यांनी कार्यकर्त्यांनी गर्दी करून खोस मनयली. तांणी घोशणाय दिल्यो.
ह्या वेळार भाजप प्रदेश अध्यक्ष सदानंद शेट तानावडे आनी हेर कार्यकर्ते हाजीर आशिल्ले. ‘मोदी है तो सब मुमकीन है’,‘ भिवपाची कायच गरज ना’, ‘जय श्रीराम’ अश्यो घोशणा कार्यकर्त्यांनी दिल्यो. पेडे वाटून तांणी खोस मनयली.
प्रधानमंत्री नरेंद्र मोदी हांच्या फुडारपणा खाला राज्यांची आनी देशाची नेटान उदरगत सुरू आसा. हे खातीरूच विधानसभा वेंचणुकेंत भाजपाक व्हड जैत मेळ्ळें, अशे भलायकी मंत्री विश्वजीत राणे हांणी म्हणलें.
प्रधानमंत्री नरेंद्र मोदी हांच्या फुडारपण देशांतल्या सगळ्या राज्यांतल्या लोकांक मान्य आसा, हें ह्या निकालांतल्यान स्पश्ट जालां. येवपी लोकसभा वेंचणुकेंत भाजपाचें जैत निश्चीत आसा, अशें मंत्री आलेक्स सिक्वेरा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
