भांगरभूंय | प्रतिनिधी
भांगरभूंय । पत्रक
पणजीः विद्या प्रबोधिनी म्हाविद्यालयान गोंय मुक्तीक 60 वर्सा पुराय जाल्ले खातीर गोंय मुक्ती खातीर आपलें बलिदान दिल्ल्या हुतात्म्यांचे यादी खातीर आयोजीत केल्ले चित्रफीत सर्तींतल्या जैतिवंतांक इनामां भेटोवपाची कार्यावळ आयोजीत केली. म्हायती आनी प्रसिद्धी खात्याच्या पालवान ही सर्त आयोजीत केल्ली.
हे सर्तींत सागल लमाणी हाणे पयलें इनाम मेळयलें. रैसा फर्नांडीस हाका दुसरें आनी वसंत नारूलकार हांका तिसरें इनाम फावो जालें. युगांकूर गोवा आनी वैश्णवी आजगांवकार हांका उमेद वाडोवपी इनामां मेळ्ळी. इनाम भेटवण कार्यावळीक विद्या प्रबोधिनी म्हाविद्यालयाचे प्राचार्य डाँ. भूषण भावे, प्रबोधन शिक्षण संस्थेचे अध्यक्ष संजय वालावलकार, विद्या प्रबोधिनी म्हाविद्यालयाचे उपप्राचार्य डाँ. अनिल ठोसरे तशेंच जेष्ट शिक्षक डॉ. पिंकेश दभोळकार हाजीर आशिल्ले.
गोवा मुक्ती चळवळीतलें विसरपाक जायनात अशे प्रसंग हो स्पर्ती खातीर विशय दिल्लो. दर्शन लोलयेंकार, राजीव शिंदे आनी साईनाथ परब हांणी सर्तीचें परीक्षण केलें. कालिदास म्हामल सर्तीचे संयोजक आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
