भांगरभूंय | प्रतिनिधी
भांगरभूंय । प्रतिनिधी
मुरगांवः गोंय @ 61 उत्सवाचो एक वांटो म्हणून वास्को सम्राट क्लबाना शालेय विद्यार्थ्यां खातीर आयोजीत केल्ले निंबंद सर्तींत मुरगांव तालुक्यांतल्या सात शाळांतल्यान 14 विद्यार्थ्यांनी वांटो घेतलो. केशव स्मृती हायस्कूलाच्या अनुष्का नायक हिणे सर्तींत पयलें इनाम मेळयलें.
दुसरें इनाम हिरालाल परिमर (अवर लेडी ऑफ कांदे लेरिया हायस्कूल) हाका आनी तिसरें इनाम शांतादुर्गा हायस्कुलाचे प्रतिक्षा डोंग्रे आनी माता सेकंडरीच्या रुशिका चांद हांकां विभागून दिलें. सर्तीचें परिक्षण निवृत्त मुख्याध्यापक स्नेहल संझगिरी हिणे केलें. सम्राट क्लबाचो अध्यक्ष चंद्रकांत गांवस आनी सचीव गिरीश कोळमकार आनी रोहन बांदेकार हाचे हजेरेंत जैतिवंत विद्यार्थ्यांक इनामां भेटयली.
मजगतीं, रोहन बांदेकार हांणी गोंय @61 उत्सवाचो एक वांटो म्हणून वास्कोचो इतिहास आनी दायज ह्या विशयाचेर सादरीकरण केलें. विद्यार्थ्यांक वास्कोचो इतिहासाची म्हायती तांणे दिली. इनाम भेटवण कार्यावळीचें सूत्रसंचालन स्नेहल संझगिरी हिणे केलें. चंद्रकांत गांवस हांणी विद्यार्थ्यांक मार्गदर्शन केलें. गिरीश कोळमळकारान निमाणे सगल्यांचे उपकार मानले. कार्यावळीक विद्यार्थी तशेंच पालक आनी सम्राट क्लबाचे वांगडी व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
