भांगरभूंय | प्रतिनिधी
विनोद शिंदे: वाळपय मतदार संघ भाजपा वतीन मनयली अटल बिहारी वाजपेयी जयंती
वाळपय: देशाचे आदले प्रधानमंत्री स. अटल बिहारी वाजपेयी हांणी देशा खातीर केल्लें समर्पण विसरूंक जायना. ताणें केल्लो वावर समाजांत आयज लेगीत खाशेलो मानतात. अटल बिहारी वाजपेयी हांणी राश्ट्रीय अस्मिताय आनी राश्ट्रीय अभिमान हे विचारसरणे खाला स्वताची एक वेगळी प्रतिमा निर्माण केली, अशें समाजीक कार्यकर्ते वाळपय मतदार संघ भाजपाचे प्रभारी विनोद शिंदे हांणी सांगलें.
वाळपय मतदारसंघा वतीन आयोजीत केल्ल्या सर्गेस्त अटल बिहारी वाजपेयी हांचे जयंती निमतान आयोजीत कार्यावळींत ते उलयताले.
ह्या वेळार नगरगांव जिल्हो पंचायत वांगडी राज्यश्री काळे, नगरपालिकेचे नगरसेवक विनोद हळदणकार, भिंरोडा पंचायतीचे सरपंच उदयसिंह राणे, पिसुर्ले पंचायतीचे सरपंच देवानंद परब, पंचायतीचे पंच वांगडी, भाजपाचे कार्यकर्ते, समाजीक कार्यकर्ते हाजीर आशिल्ले.
सर्गेस्त अटल बिहारी वाजपेयी हांच्या फोटोक फुलांचो हार अर्पण करून जयंती मनयली.
विनोद शिंदे हांणी फुडें म्हणलें, अटल बिहारी वाजपेयी हांच्या कार्यांतल्यान समाजाक जायत्या पांवड्याचेर फायदे जाल्यात. राष्ट्रीय पांवड्यार देशाप्रती अभिमान बाळगुपी विचारधारा आयज समाजांत खर्या अर्थान गरजेची आसा.
नगरगांव जिल्हो पंचायत वांगडी राजश्री काळे हांणी, अटलजी वाजपेयी हांचो देशाच्या मुखार आदर्श निर्माण जाला आनी हो आदर्श हजारांनी वर्सां तिगून उरतलो अशें तांणी सांगलें.
तुळशीदास प्रभू, उदयसिंग राणे, पुरुषोत्तम खाडीलकार, देवानंद परब हांणी ह्या वेळार आपले विचार मांडले.
सुरवातेक मंडळाचे अध्यक्ष रामनाथ डांगी हांणी येवकार आनी प्रास्तावीक केलें. पुराय कार्यावळीचें सुत्रसंचालन मिलिंद गाडगीळ हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
