भांगरभूंय | प्रतिनिधी
पणजी: ता. 21 डिसेंबराक 11 केव्ही बेतूल फिडराचेर ताकतिकेचें दुरूस्ती काम करपाचें आशिल्ल्यान सकाळीं 9.30 ते दनपरां 1 वरां मेरेन वेळ्ळी ग्रामपंचायत क्षेत्रांतल्या कारशेत, कुटबण, तळकाटो, बाराडी, मुशेर, बाप्सोरा, रंगाळी, जुयें आनी खैराट, बेतूल आनी खोला ग्रामपंचायत वाठारांतल्या नुवें आनी सेमेंतरीवाडो वाठारांत लायट आसची ना.
तशेंच फाल्यां 22 डिसेंबराक 11 केव्ही चिंचीणी फिडराचेर ताकतिकेचें दुरूस्ती काम करपाचें आशिल्ल्यान सकाळीं 9.30 ते दनपरां 1 वरां मेरेन दुर्गा, सुकाल्डे, नुसी, बायडा, झरीभाट, आलियावाडो, सिकरेवाडो, सीआरसी मैदान, बांबाडो आनी तळेबांद वाठारांत लायट आसची ना.
लायटीच्या यंत्रणां विशीं शिटकावणी
पणजी: सांगें म्हालांतल्या वेळीपवाडो कोटार्ली हांगा राधा तिंबलोक वीज पुरवण करपा खातीर नवें उबारिल्लें 100 केव्हीए ट्रान्सफॉर्मर केंद्र आनी 11 केव्ही एकेरी वीज वाहिनी आनी जोडून आशिल्लीं यंत्रणां ता. 23 डिसेंबराक चालू करतले आनी ह्यान फुडें हीं वीज यंत्रणां तशींच चालूच उरतलीं.
हीं वीज यंत्रणां मनशाच्या आनी जनावरांच्या जिवाक धोक्याचीं आशिल्ल्यान लोकांनी तांच्या संपर्कात येवचें न्हय अशें कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
