भांगरभूंय | प्रतिनिधी
भांगरभूंय । पत्रक
पणजीः रिलायन्सान आंतरराष्ट्रीय क्रिकेट मळार आपली सुवात घट्ट करपाचें काम चालू दवोरला. भारता उपरांत रिलायन्सान दक्षीण आफ्रिका आनी यूएईत टी-20 लीग क्रिकेट पंगड विकते घेतल्यात. तांचो नवो पंगड दक्षीण आफ्रिकेंत केपटावनांत आसा.
आमच्या दक्षीण आफ्रिका टी-20 पंगडाक रिलायन्सक कुटूंबांत येवकार दितना म्हाका खूब खोस जाता. मुंबय इंडियन्साचो क्रिकेट ब्रँड दक्षीण आफ्रिकेंत घेवन वचपाची आमकां उमळशीक आशिल्ली. मुंबय इंडियन्साचो संवसारीक क्रिकेट मळार ठसो वाडोवपाची आमची लागणूक आसा अशें रिलायन्स इंडस्ट्रीजाची संचालिका नीता अंबानी हिणे सांगलां.
दक्षीण आफ्रिकेच्या फ्रँचायझी सयत आमचे कडेन आतां तीन देशांत तीन टी-20 क्रिकेट पंगड आसा. क्रिकेट इकोसिस्टम आनी ब्रँड मुंबय इंडियन्सातल्या आमच्या कुशळटायेचो आनी अणभवाचो लाब घेवपा खातीर आसात. क्रिकेट मोगींक आमी बऱ्या क्रिकेट खेळाचें दर्शन दिवपाक शकतात अशें रिलायन्स जिओचो अध्यक्ष आकाश अंबानीन म्हणलां.
रिलायन्स इंडस्ट्रीजान क्रिकेट फ्रँचायझी, फुटबॉल लीग, खेळां प्रायोजकत्व, मेंटरशीप आनी अॅथलीट टॅलेंट वेवस्थापनाच्या माध्यमांतल्यान देशांतल्या खेळगड्यांक एक बरी इको-सिस्टम विकसीत करपाच्या कामांत म्हत्वाची भूमिका घेवपाचें काम केलां. ह्या भायर रिलायन्स फावंडेशन खेळाच्या माध्यमांतल्यान देशांतल्या खेळगड्यांक चॅम्पियन जावपाची संद उपलब्द करून दितात. नीता अंबानी हिच्या यत्नात 40 वर्सा उपरांत मुंबयत 2023 वर्सा प्रतिश्ठीत आंतरराष्ट्रीय ऑलिम्पीक समितीचें सत्र आयोजीत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
