भांगरभूंय | प्रतिनिधी
21 जुलयाक मतमेजणी, 25 जुलयाक राष्ट्रपतींचो सोपूतविधी
खबरां संस्था
नवी दिल्लीः राष्ट्रपतीपदा खातीर वेंचणूक प्रक्रिया शांततायेन जाली. हातूंत संसदेंतल्या 99.18 टक्के खासदारांनी मतदान केलें. जाल्यार राज्यांतल्या 283 आमदारांनी मतदान केलें. राष्ट्रपती वेंचणुकेचो निकाल 21 जुलयाक लागतलो. जाल्यार 25 जुलयाक नव्या राष्ट्रपतींचो सोपूतविधी जातलो.
देशाचे राष्ट्रपती कोण जातले? एनडीएची उमेदवार द्रौपदी मुर्मू वा विरोधी गटाचे उमेदवार यशवंत सिन्हा? राष्ट्रपतीपदा खातीर मतदान करपी सुमार 60 टक्के जाणांचो द्रौपदी मुर्मू हांकां तेंको आसा.
मतांचें समिकरण…
राष्ट्रपती वेंचणुकेंत वट्ट 4809 मतदार, मतांचें वट्ट मोल 10 लाख 86 हजार 431.
लोकसभा अानी राज्यसभेचे 778 खासदार मतदार, तांच्या मतांचें वट्ट मोल 5 लाख 43 हजार 200.
सगल्या राज्यांतले 4033 आमदार मतदार, दरेक राज्यांत मतांचें मोल वेगळेवेगळे. आमदारांच्या मतांचें मोल 5 लाख 43 हजार 231.
सध्याचे चित्र पळयल्यार एनडीएची उमेदवार द्रौपदी मुर्मू हांचें दालें जड.
गोंयांत 100% मतदान
राष्ट्रपतीपदाचे वेंचणुकेंत गोंयांत 100% मतदान जालें. सगल्या 40 आमदारांनी मतदान केलें. रालोआची राष्ट्रपतीपदाची उमेदवार द्रौपदी मुर्मू हांकां गोंयांत 25 परस चड आमदारांची मतां मेळटली, असो दावो मुख्यमंत्री डॉ. सावंत सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
