भांगरभूंय | प्रतिनिधी
पणजी ः उत्तर गोंयांतल्या एका मनशाक रेबिज दुयेंसाक लागून मरण आयलें. फाटल्या पांच वर्सांत राज्यांत रेबीज दुयेंसाक लागून मरण आयिल्ल्याचें हें पयलें प्रकरण. ही घडणूक फाटल्या सप्टेंबरांत घडिल्ली अशी म्हायती भलायकी अधिकारी डॉ. प्रशांत सूर्यवंशी हांणी दिली.
सुण्यांनी चाबल्या उपरांत रेबीज जावचो न्हय हे खातीर भलायकी खातें सुण्यांक रेबीज लस दिवपाची मोहीम चलयता. देखून सुणें चाबले उपरांत रेबीज पॉझिटिव्ह जावपाचो धोको राज्यांत उणो जाला. पूण फाटल्या पांच वर्सांत पयलेच खेपे फाटल्या सप्टेंबरांत एक व्यक्ती रेबीज पॉझिटिव्ह मेळ्ळी. हॉस्पिटलांत उपचार घेतना तिका मरण आयलें अशें डॉ. सूर्यवंशी हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
