भांगरभूंय | प्रतिनिधी
भारताचो ऑलिम्पीक पदक जैतिवंत मल्ल रवी कुमार दाहियान मगोलियाची राजधानी उलानबातरांत चालू आशिल्ले आशियायी चॅम्पियनशिपींत सेगीत तिसरें भांगरा पदक जिखलें. जाल्यार बजरंग पुनियाक 65 कील वजन गटांत रुप्या पदक फावो जालें.
रवीन 57 कील वजन गटांत हें पदक जिखलें. ताणें भांगरा पदकाचे लडतीत कझाकिस्तानाच्या रखात कालझहानाक तंत्रीक अव्वलतेच्या (12-2) आदाराचेर हारयलो.
एका वेळार तो गुणांनी फाटीं आशिल्लो. पूण, उपरांत जबरदस्त प्रदर्शन करून जैत जोडलें. ताणें प्रतिस्पर्धी मल्लाक फिशालकायेन हारयलो. रवी दाहियाची अंदूंच्या हंगामांतली दुसरी फायनल आशिल्ली. फेब्रुवारींत जाल्ले डॅन कोलोव्ह सर्तींत रुप्या पदक जिखिल्लें.
अंदूंचे कुस्तींतलें भारताचें हें पयलें भांगरा पदक थारलें. रवीन हाचे आदीं 2020त दिल्ली आनी 2021त अलमाटींत जाल्ले सर्तींत भांगरा पदक जिखिल्लें.
मजगतीं, 65 कील वजन गटांत जाल्ले फायनलींत बजरंग पुनियाक इराणाच्या रहमान मौसा कडल्यान 1-3 अशा फरकांनी हार घेवची पडिल्ल्यान रुप्या पदकाचेर समाधान मानचें पडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
