भांगरभूंय | प्रतिनिधी
भुरगेपणा सावन चित्रकलेंत रुची दाखोवपी आनी उपरांत त्याच मळार शिक्षण घेवन, आपणें रंगयिल्ल्या चित्रांचो आनंद लोकांक लुटपाक दिवपी माशेलांतले किर्तीकुमार प्रभू हे एक भोवआयामी व्यक्ती. चित्रकला, रंगकला, शिल्पकला, हस्तकला, छायाचित्रण, नाटकांतली उजवाड येवजण, चित्ररथ डिझायन अशा कितल्याशाच मळार ते वावुरतात आनी आपलें 100 टक्के योगदान दितात. साहित्याच्या मळारूय ते फ़ाटीं नात कोंकणी साहित्य लोकां मेरेन पावचें हे खातीर तांणी आपल्या इश्टां बरोबर बऱ्याच वर्सा पयलीं सुरू केल्ली कार्यावळूय लोकांच्या काळजांत
आसा. अशा ह्या म्हान कलाकारा कडेन चैत्रा बोरकार हांणी संवाद सादलो तो असो:-
तुमकां ल्हानपणा सावन चित्रकलेची आवड आशिल्ली काय जिणेंत कोण तरी जावंक जाय म्हूण तुमी ह्या मळार प्रवेश घेतलो?
ल्हान आसतना तशीं भुरगीं चित्रां बी काडटात. पूण हांव तातूंत खूब खोल वतालों आनी चित्र बरें जावचें हाची खबरदारी घेतालों. व्हडलों जाता जाता ही आवड वाडत गेली आनी मागीर कला महाविद्यालयांत पदवी घेतली.
तुमीं जें शिक्षण घेतलें, तातूंतच तुमकां आपलो फुडार घडोवपाची संद मेळ्ळी. हाचे खातीर तुमकां आव्हानांक तोंड दिवचें पडलें?
खंयच्याय मळार मुखार सरतलो जाल्यार आव्हानां हीं आसतातूच. तांचेर मात करून मुखार वचपाची गरज आसता. हांवेंय तोच मंत्र वापरून म्हजी फुडली वाट बरी आनी हे वाटेर लोकांकय आनंद दिवपाची तजवीज केली. ताची म्हाका खोस आसा.
एक कला शिक्षक म्हूण तुमचो अणभव कसो आशिल्लो?
1981 वर्सा म्हाका कुंभारजुवेंच्या श्री शारदा विद्यालयांत कला शिक्षक म्हूण रुजू जावपाची बरी संद मेळ्ळी. आपल्याक जी कला कळटा ती दुसऱ्यांक शिकोवन तिचो प्रसार करप ह्या मताचो हांव म्हज्या विद्यार्थ्यांक हांवें चित्रकलेंतले वेगवेगळे प्रकार शिकयले आनी तांकां घडयले. हें करतां करतां म्हाका बाकीच्या शिक्षणीक संस्थांनी भुरग्यांक मार्गदर्शन करपाची संद मेळ्ळी आनी ते खातीर खूब समाधान मेळ्ळें.
तुमी म्हणलें की कलेचो प्रसार जावंक जाय म्हूण, पूण वैयक्तीक पांवड्यार तें शक्य आसा?
कित्याक शक्य ना? म्हाकाय म्हूण कोणें तरी शिकयला न्हय जसो हांव शिकलों तशें दुसऱ्यांक शिकोवप
आनी ताचो प्रसार करप. आमची लोककला, संस्कृती जी आमची वळख आसा ती फुडले
पिळगेक कळची आनी संवसारभरच्या लोकांक कळची हे खातीर प्रसार करपाची गरज असा आनी दरेकल्यान त्या वावरांत योगदान दिवचें अशें म्हाका दिसता.
तुमी चित्रकला, शिल्पकला करूनय नाटकांनी उजवाड येवजण करतात. हाची आवड कशी जाली?
भुरगेपणां सावन आमी नाटकां पळयत आयल्यात. ताचो प्रभाव आमचेर आसता. कलेच्या क्षेत्रांत आशिल्ल्यान म्हाका नवे नवे प्रयोग करीन दिसताले आनी ते करून हांवें म्हजे पुरती तरी येस जोडलां. सुमार 100 नाटकां, एकांकीकांनी हांवें उजवाड येवजण केल्या आनी नाटकांच्या सर्तींनी आमकां
पुरस्कारूय फावो जाल्यात.
गोंयासयत भायल्या राज्यांनीय आमी प्रयोग केल्यात.
डिसबॅग जर्मनींत 2001 वर्सा तुमकां तुमची शिल्पकला प्रदर्शित करपाची संद मेळिल्ली, ते विशीं सांगशात?
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
