भांगरभूंय | प्रतिनिधी
म्हापशें, प्रतिनिधी ः फेअरा बाईक्सा-म्हापश्यांतल्या ओम चेबर्स इमारतींतल्या रिलायबल प्रिन्टर्स ह्या दुकानांक शार्ट सर्किटाक लागून उजो लागलो. हांतूत दुकानांतल्या संगणका सयत हेर उपकारणा उज्यांत लासून 5 लाखांचें लुकसाण जाले.
बिरेस्तारा सकाळीं 2 वरांचे सुमाराक ही घडणूक घडली. शॉर्ट सर्किटाक लागून दुकानाच्या फुडल्या कॅबिनांत उजो लागलो. हांतूत लॅपटॉप, प्रिंटर, टीव्ही स्क्रीन, इन्वर्टर, सीसीटीव्ही कॅमेरे, मेज, कदेली आनी हेर विद्युत उपकरणां लासली. हो उजो दुकानाच्या भितरल्या कॅबिनांत पातळूंक नाशिल्ल्यान व्हडली दुर्घटना टळ्ळी. ह्या घडणुकेंत सुमार 5 लाखांचे लुकसाण जाल्ल्याची म्हायती दुकानाचो धनी निलेश सांगोडकार हांणी दिली.
घडणुकेच्या वेळार नेटान पावस पडटालो. देखून दुकानांत उजो लागलो हाचो अदमास इमारतींतल्या कोणाकूच येवंक ना. सकाळीं दुकान उगडटकत ही घडणुक उजवाडाक आयली. वीज कर्मचाऱ्यांनी घडणुक सुवातेक भेट दिवन पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
