भांगरभूंय | प्रतिनिधी
म्हापशें, प्रतिनिधी: म्हापशें नगरपालिकेचे उपनगराध्यक्ष विराज फडके हांणी बुधवार ता. २१ फेब्रुवारीक पदाचो राजिनामो दिलो. नगरविकास खात्याच्या संचालकांकडेन तांणी आपलें राजिनामो पत्र सादर केलें.
ता. १५ फेब्रुवारी २०२३ दिसा फडके हांची उपनगराध्यक्षपदी विरोधा विणेञ निवड जाल्ली. तेन्नाचे उपनगराध्यक्ष चंद्रशेखर बेनकर हांणी राजीनामो दिल्या उपरांत फडके हांची ह्या पदार निवड जाल्ली.
म्हापशें नगरपालिकेचेर आतांचें पालिका मंडळ स्थापन करतना भाजप प्रणीत सत्ताधारी गटांत नगराध्यक्ष आनी उपनगराध्यक्ष हीं पदां दर वर्सा विभागून घेवपाचो अलिखीत करार जाल्लो. त्या प्रमाण हालींच नगराध्यक्षा प्रिया मिशाळ हांणी आपल्या पदाचो राजीनामो दिल्लो. नव्या नगराध्यक्षांची निवड शुक्रार ता. २३ दिसा जातली.
एका वर्साचो काळ पुराय जाल्या उपरांत फडके हांणी आपल्या पदाचो राजिनामो दिलो. सात दिसांनी तांचें हेञ राजीनामो पत्र ग्राह्य थारल्या उपरांत सत्ताधारी गटांतले नगरसेवक सुशांत हरमलकार हांची उपनगराध्यक्षपदार निवड जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
