भांगरभूंय | प्रतिनिधी
फोंडें: पळसकाटा मोलें वाठारांत बिरेस्तारा सकाळीं 11.30 वरांच्या सुमाराक एक स्कुटर चोर आयतोच पुलिशेच्या हाताक सांपडलो.
फोंडें येरादारी पुलीस निरिक्षक कृष्णा सिनारी हांणी दिल्ले म्हायती प्रमाण बिरेस्तारा सकाळीं पळसकाटा मोल्यां येरादारी नेम मोडप्यां आड कारवाय करचे खातीर येरादारी पुलीस दवरिल्ले. ह्या वेळार तिस्क- ससगांवच्यान मोलेंचे दिशेन वचपी जीए 03 एके 4251 नंबराच्या स्कुटर चालकान हॅल्मेट घालूंक नाशिल्लें. उपनिरिक्षक सत्यवान गांवकार, पुलीस शिपाय विदेश रायकार, रजत मडकयकार, कल्पेश मुळगांवकार आनी प्रज्योत कुबळे हांणी स्कुटर चालक आकाश रवी माने (19, रावपी तिस्क उसगांव, मूळ हुबळी कर्नाटक) हाची चवकशी केली. त्या वेळार ती स्कुटर चोयरेची आशिल्ल्याचें उजवाडाक आयलें. 7 ऑगस्टाक मेरशेंच्यान स्कुटर चोरयेक गेल्ल्याची कागाळ पोरणें गोंय पुलीस स्टेशनाचेर नोंद जाल्ली. ताका लागून फोंडें येरादारी पुलिसांनी दुबाविताक पोरणें गोंय पुलिशेचे सुवादीन केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
