भांगरभूंय | प्रतिनिधी
एआयबीडीचो वर्सुकी मेळावो जालो उमेदीन
खबरां संस्था
नवी दिल्ली : म्हायती आनी प्रसारण मंत्री अनुराग ठाकूर हांणी काल आशिया- पॅसिफिक प्रसारण विकास संस्थेच्या (एआयबीडी) 47 व्या वर्सुकी मेळाव्याचें आनी 20 वे बसकेचें उक्तावण केलें. म्हायती आनी प्रसारण राज्यमंत्री डॉ. एल मुरुगन, म्हायती आनी प्रसारण सचीव अपूर्व चंद्रा आनी एआयबीडीची संचालक फिलोमिना ज्ञानप्रगासम हांचे सयत साबार मानेस्त ह्या वेळार हजर आसले. प्रसार भारतीचे मुख्य कार्यकारी अधिकारी मयंक अगरवाल हांकां 2022 चो जीवनगौरव पुरस्कार ह्या वेळार ठाकूर हांचे हस्तुकीं भेटयलो.
मुख्य प्रवाहांतल्या माध्यमांक सगल्यांत व्हड धोको हो नव्या युगांतल्या डिजिटल प्लॅटफॉर्माचो नासून खुद्द मुख्य प्रवाहांतल्या माध्यम वाहिन्यांचोच आसा, अशें ठाकूर हांणी सांगलें. खरी पत्रकारिता ही वस्तुस्थितीक सामकार वचप, सत्य मांडप आनी सगले वटेन तांचें मत मांडपाक माचीउपलब्ध करून दिवप ही आसता, अशेंय तांणी सांगलें. ध्रुवीकरण करपी, फटीच्यो काणयो पातळावपी आनी जिवाच्या आकांतान आड्डुपी सोयऱ्यांक आमंत्रित केल्ल्यान खबरां चॅनलांची विस्वासार्हता कमी जाता, अशें तांणी सांगलें. विस्वासार्हतेचे निकश पाळूंक ना, तर तुमच्या चॅनलाचेर प्रेक्षक केन्नाच विस्वास दवरचे नात, अशेंय ठाकूर हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
