भांगरभूंय | प्रतिनिधी
फोंडें, प्रतिनिधी: माशेल बाजारांत शेनवारा सकाळीं दवरिल्ली स्कुटर चोरपाच्या प्रकरणांत दिल बहादूर महातो (३५, रावपी माशेल, मूळ नेपाळ) हाका म्हाड्डोळ पुलिसांनी अटक केली. दुबावितान चोरून व्हेल्ले स्कुटरीचें मोल ५० हजार रुपया आसा. स्कुटरीची चावी घेवन वचपाक स्कुटर धनी विसरलो. हे संदीचो लाव दुबावितान घेवन ताची स्कुटर चोरली.
पुलिसांनी दिल्ले म्हायती प्रमाण, अमेयवाडो- खांडोळेंचे श्याम रोहिदास नायक हे शेनवारा सकाळीं सुमार १०. ३० वरांचेर जीए – ०७- एच – ७८१९ स्कूटर घेवन माशेल बाजारांत गेल्ले. एका दुकाना सामकार स्कुटर पार्क केली. पूण ताची चावी काडपाक विसरले. चावी आशिल्ली स्कुटर पळोवन दुबावितान ती घेवन थंयच्यान पळ काडलो. मात सांजेवेळार स्कुटर घेवन भोंवतना दुबाविताक धरपाक पुलिसांक येस आयलें. निरीक्षक योगेश सावंत हांच्या मार्गदर्शना खाला दुबाविता आड कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
